1751622869 • კონფლიქტები
ირაკლი ქადაგიშვილი - ეუთო-ს გენერალურმა მდივანმა გაიმეორა ის, რომ არჩევნები ძალიან მაღალ დონეზე ჩატარდა და ამომრჩევლის ნება ასახული იყო - ოპოზიციამ 40%-ზე მეტი მიიღო და როცა ხალხის მონიჭებულ მანდატს არ იყენებ, უგულებელყოფ ამომრჩეველს
ეუთო-ს გენერალურმა მდივანმა გაიმეორა განცხადება, რომ არჩევნები იყო ძალიან მაღალ დონეზე ჩატარებული და ამომრჩევლის ნება იყო ასახული - ოპოზიციამ 40%-ზე მეტი მიიღო და როდესაც შენ არ იყენებ ხალხის მიერ მონიჭებულ ამ მანდატს, შენ უგულებელყოფ შენს ამომრჩეველს, - ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა, რითაც ეუთო-ს გენერალური მდივნის განცხადებას გამოეხმაურა.
მისი თქმით, ეუთო-ს სხდომებზე გაჟღერდა ის, რასაც მმართველი პარტიაში მუდმივად ამბობენ.
„გუშინ ეუთო-ს სხდომებზე გაჟღერდა ის, რასაც ჩვენ მუდმივად ვამბობთ. ჩვენ ვიცით, რომ ჩვენს არჩევნებთან დაკავშირებით ეუთო-მ ორი დასკვნა გამოაქვეყნა. ერთი იყო შუალედური, სადაც დადებითი შეფასება ჰქონდა. ერთადერთი შენიშვნა ის იყო, რომ პოლარიზებული არის პოლიტიკური ველი და ეს ყველას მოგვეხსენება. მეორე იყო არჩევნების შემდგომი პრესკონფერენცია და ბოლოს შეფასების დოკუმენტი. ეუთო-მ აღიარა, რომ არჩევნები ჩატარდა კონკურენტუნარიან გარემოში, ხალხს ჰქონდა თავისი არჩევანის თავისუფლად დაფიქსირების საშუალება და ამომრჩევლის ნება იყო ასახული. გამომდინარე აქედან, სწორედ ეუთო-ს დამკვირვებელმაც, შვეიცარიის წარმომადგენელმა, რომელიც უშუალოდ იყო ამ პროცესის მონაწილე, სწორედ ეს განცხადება გააკეთა, რომ არჩევნები იყო ძალიან მაღალ დონეზე ორგანიზებული, ჩატარებული და ამომრჩევლის ნება იყო ასახული. სწორედ ეს გაიმეორა ეუთოს გენერალურმა მდივანმაც, რომელმაც ორი რამ გამოყო. ერთი - მან თქვა, რომ საქართველო ფაქტობრივად, ომის მდგომარეობაში იმყოფება, იმიტომ რომ მისი ტერიტორიების 20% ოკუპირებულია, ამიტომ საქართველოსთან მიმართებით ცოტა უფრო ღრმა ანალიზი და ღრმა ხედვა სჭირდებათ, ვინც ასეთ ბრტყელ განცხადებას აკეთებს ხოლმე ჩვენ ქვეყანასთან მიმართებაში. მეორე, რომ არჩევნები შედგა და არჩევნებზე ხალხის ნება იყო სრულად ასახული. ოპოზიციამ 150 კაციან პარლამენტში, 61 მანდატი მიიღო, ანუ 40%-ზე მეტი და როდესაც შენ არ იყენებ ხალხის მიერ მონიჭებულ ამ მანდატს შენ უგულებელყოფ შენს ამომრჩეველს. ეს არის სიმართლე, რომელიც გაჟღერდა, თუმცა იქვე იქნა იმ შვეიცარიელი დელეგატის მიერ აღნიშნული ერთი რამ, რაც მაშინვე გახდა ცნობილი, რომ ზოგიერთ ევროპულ სახელმწიფოს არ მოეწონა არჩევნების შეგები. ჩვენ ვიცით, ვისაც არ მოეწონა - ვინც ჩამოდიოდა აქ და წინასაარჩევნო კამპანიას ატარებდა. რაც არ უნდა ზეწოლა მოახდინონ, რაც არ უნდა პროპაგანდისტული მანქანა ჩართონ შიგნით, თუ გარეთ, სიმართლე არ იმალება, იმიტომ რომ ფაქტად დევს ეს ყველაფერი,“ - განაცხადა ქადაგიშვილმა.
ცნობისთვის, ეუთო-ს გენერალურმა მდივანმა, ფერიდუნ სინირლიოღლუმ პორტუგალიაში ეუთო-ს ყოველწლიურ სესიაზე განაცხადა, რომ „ქართული ოპოზიციისთვის პარლამენტში 40%-ზე მეტის ქონა და ამის არგამოყენება სამართლიანი არ არის ხალხისთვის, რომელმაც აირჩია“.
სემეკში რუსთავის წყალმომარაგების საკითხებთან დაკავშირებით შეხვედრა გაიმართა
საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) რუსთავის წყალმომარაგებისა და წყალარინების საკითხებთან დაკავშირებით შეხვედრა გაიმართა. შეხვედრას ესწრებოდნენ სემეკის თავმჯდომარე დავით ნარმანია, რუსთავის მერი ნინო ლაცაბიძე, რუსთავის დელეგატი საქართველოს პარლამენტში ირაკლი შატაკიშვილი, რუსთავის საკრებულოს თავმჯდომარის მოადგილე მამუკა რეხვიაშვილი და შპს „ჯორჯიან უოთერ ენდ ფაუერის“ ხელმძღვანელი პირები. შეხვედრაზე განიხილეს რუსთავში მიმდინარე და დაგეგმილი სარეაბილიტაციო სამუშაოები, იმსჯელეს წყალმომარაგებისა და წყალარინების მომსახურების გაუმჯობესების მიზნით საინვესტიციო პროექტების შესრულების პროცესზე. შეხვედრაზე აღინიშნა, რომ შპს „ჯორჯიან უოთერ ენდ ფაუერის“ მიერ დაჩქარდებ სამუშაოების განხორციელება, რომელსაც მონიტორინგს გაუწევენ რუსთავის მერია და სემეკი.წყალმომარაგებისა და წყალარინების ქსელზე რუსთავში მიმდინარე პროექტები რამდენიმე დღის წინ ასევე განიხილეს რეგიონული განვითარების სამინისტროში. აღსანიშნავია, რომ 2022-2024 წლებში რუსთავის წყალმომარაგების ქსელის რეაბილიტაციისათვის შპს „ჯორჯიან უოთერ ენდ ფაუერმა“ 30 მილიონი ლარის ინვესტიცია განახორციელა.
საზოგადოება • 1751631726
დიმიტრი პესკოვი - ვლადიმერ პუტინმა დონალდ ტრამპს კიდევ ერთხელ გაუმეორა, რომ რუსეთს სპეციალური სამხედრო ოპერაციის მიზნების მიღწევა სურს
რუსეთის პრეზიდენტმა, ვლადიმერ პუტინმა აშშ-ის პრეზიდენტ დონალდ ტრამპთან საუბრისას კიდევ ერთხელ გაიმეორა, რომ რუსეთის ფედერაცია დაინტერესებულია ე.წ. „სპეციალური სამხედრო ოპერაციის“ მიზნების მიღწევით და უმჯობესია, რომ ეს პოლიტიკური და დიპლომატიური გზებით გახდეს შესაძლებელი, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.„საუბრის დროს პრეზიდენტმა პუტინმა გაიმეორა, რომ ჩვენ დაინტერესებულები ვართ იმით, რომ სპეციალური სამხედრო ოპერაციის მიზნებს მივაღწიოთ და უმჯობესია, ეს პოლიტიკური და დიპლომატიური საშუალებებით განხორციელდეს“, - განუცხადა პესკოვმა ჟურნალისტებს.შეგახსენებთ, აშშ-სა და რუსეთის პრეზიდენტებმა, დონალდ ტრამპმა და ვლადიმერ პუტინმა ტელეფონით გუშინ ისაუბრეს. დონალდ ტრამპის განცხადებით, პუტინთან სატელეფონო საუბრისას ვერანაირ პროგრესს ვერ მიაღწია. „მასთან საერთოდ არანაირი პროგრესი არ მქონია. გვქონდა სატელეფონო საუბარი. ეს საკმაოდ ხანგრძლივი სატელეფონო საუბარი იყო. ბევრ რამეზე ვისაუბრეთ, მათ შორის ირანზე და ასევე, როგორც იცით, უკრაინასთან ომზე და მე ამით არ ვარ კმაყოფილი, არ ვარ კმაყოფილი“, - განუცხადა აშშ-ის პრეზიდენტმა ჟურნალისტებს.
მსოფლიო • 1751631661
დავით ნარმანიამ „ეკონომიკურ ფორუმზე“ განახლებადი ენერგიების ხელშემწყობი მექანიზმების შესახებ ისაუბრა
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო „ეკონომიკური ფორუმის“ დისკუსიაში, რომელიც განახლებადი ენერგიების განვითარების საკითხებს შეეხებოდა.„ეკონომიკური ფორუმის“ დისკუსიაში მონაწილეობდნენ „საქართველოს ბანკის“ გენერალური დირექტორი, არჩილ გაჩეჩილაძე და საქართველოს ბიზნეს ასოციაციის აღმასრულებელი დირექტორი, ლევან ვეფხვაძე. დისკუსიას მოდერატორობა გაუწია „ბიზნეს ინსაიდერ ჯორჯიას“ დამფუძნებელმა, გიორგი აბაშიშვილმა. ღონისძიებას ესწრებოდნენ სამთავრობო უწყებების, საქართველოს სახელმწიფო ელექტროსისტემის, ესკოს, საქრუსენერგოს, ენერგეტიკის განვითარების ფონდის, ენერგეტიკული ბირჟის ხელმძღვანელი პირები, ელექტროენერგიის გამანაწილებელი კომპანიებისა და ბიზნეს სექტორის წარმომადგენლები. „ეკონომიკურ ფორუმზე“ სემეკის თავმჯდომარემ ისაუბრა განახლებადი ენერგიების, მიკროსიმძლავრის ელექტროსადგურების განვითარების ხელშემწყობ პროგრამებზე. მისი თქმით, უახლოეს პერიოდში სემეკი მიიღებს მიკროსიმძლავრის ელექტროსადგურების ახალ რეგულაციას ნეტო დარიცხვის შესახებ.„ენერგეტიკული გაერთიანების რეკომენდაციის შესაბამისად, ევროპის ქვეყნების მსგავსად, საქართველო ნეტო აღრიცხვის სისტემიდან უნდა გადავიდეს ნეტო დარიცხვის სისტემაზე, კერძოდ ქსელში მიწოდებული და ქსელიდან მოხმარებული კილოვატ საათების გაქვითვიდან, მიწოდებული ელექტროენერგიის საფასურით მოხმარებული ელექტროენერგიის გაქვითვაზე. ევროკავშირის შიდა ბაზრების დირექტივა (Directive (EU)2019/944) ითვალისწინებს ნეტო აღრიცხვიდან ნეტო დარიცხვაზე გადასვლის ვალდებულებას 2027 წლის პირველი იანვრიდან. შესაბამისად, სემეკს მიეცა უფლებამოსილება 2027 წლის 1 იანვრიდან დაადგინოს ახალი მექანიზმი.2027 წლის 1 იანვრის შემდეგ ქსელზე მიერთებული მიკროსიმძლავრის ელექტროსადგურებისთვის მიმწოდებელსა და მიკროსიმძლავრის ელექტროსადგურის მფლობელს შორის ანგარიშსწორება აღარ მოხდება ელექტროენერგიის მოცულობის გაქვითვით. ამასთანავე, სემეკი დაადგენს ელექტროენერგიის გამანაწილებელ ქსელში მიწოდებული ელექტროენერგიის საფასურს, ამავე ქსელიდან მიღებული ელექტროენერგიის საფასურსა და გადახდის პირობებს. 2027 წლის 1 იანვრამდე გამანაწილებელ ქსელზე მიერთებული მიკროსიმძლავრის ელექტროსადგურები 2033 წლამდე ისარგებლებენ ქსელზე მიერთების მომენტისათვის მოქმედი პირობებით - წარმოებული და მოხმარებული ელექტროენერგიის მოცულობის გაქვითვით, შედეგად, შეუნარჩუნდებათ არსებული ანაზღაურების სქემა, რაც გულისხმობს სისტემისა და ბაზრის ოპერირების მომსახურების საფასურისგან გათავისუფლებას“, - აღნიშნა დავით ნარმანიამ.გარდა ზემოაღნიშნულისა, სემეკის თავმჯდომარემ განმარტა, რომ გამანაწილებელი სისტემის ოპერატორის ქსელში მიკროსიმძლავრის ელექტროსადგურების დადგმული ჯამური სიმძლავრის 20%-ის ამოწურვის მიუხედავად, სემეკს აქვს უფლებამოსილება 2027 წლამდე დაუშვას 100 კვტ დადგმული სიმძლავრის მიკროსიმძლავრის ელექტროსადგურების ქსელზე მიერთება. მისივე თქმით, ასეთი ელექტროსადგური, ქსელში ჭარბად მიწოდებული ელექტროენერგიისთვის მიიღებს სემეკის მიერ დადგენილ საფასურს, ხოლო მოხმარებულ ელექტროენერგიაზე გადაიხდის როგორც ელექტროენერგიის მიწოდების მომსახურების საფასურს, ისე ელექტროენერგიის სისტემის მომსახურებისა და ელექტროენერგიის ბაზრის ოპერირების მომსახურების საფასურს დადგენილი წესის შესაბამისად.„პროექტის მიხედვით, ბოლო ალტერნატივის ან საჯარო მომსახურების მიმწოდებელი ვალდებული იქნება შეისყიდოს ჭარბად მიწოდებული ელექტროენერგია, ამასთანავე მათ შორის იმ შემთხვევაშიც, თუ თავისუფალ მიმწოდებელსა და მომხმარებელს შორის დადებული მიწოდების ხელშეკრულების მიუხედავად, თავისუფალი მიმწოდებელი არ შეისყიდის ჭარბ ელექტროენერგიას. რაც შეეხება შესყიდვის ფასს საჯარო მომსახურების ფარგლებში - გამანაწილებელ ქსელში ჭარბად გადადინებულ ელექტროენერგიას მიმწოდებელი შეისყიდის უნივერსალური მომსახურების მიმწოდებლის საშუალო შეწონილი ფასით, ხოლო თავისუფალი მიმწოდებელი თავად განსაზღვრავს ჭარბი ელექტროენერგიის შესასყიდ ფასს საჯარო შეთავაზებით.საჯარო მომსახურების ფარგლებში - მიწოდების მომსახურების საფასური და ჭარბი ელექტროენერგიის საფასური გაიქვითება ერთმანეთში ყოველთვიურად, ხოლო დადებითი ნაშთი გამოყენებული იქნება მომდევნო საანგარიშო პერიოდის მომსახურების საფასურის დასაფარად. თავისუფალი მიმწოდებლის შემთხვევაში მხარეებს უფლებამოსილება ექნებათ თავად განსაზღვრონ ანგარიშსწორების პირობები. ორივე სახით მიწოდების ფარგლებში, მომხმარებელს წელიწადში ერთხელ ექნება საშუალება გამოიტანოს საბანკო ანგარიშზე დაგროვილი დადებითი ნაშთი“, - განაცხადა დავით ნარმანიამ.სემეკის თავმჯდომარემ ასევე დეტალურად ისაუბრა გამანაწილებელ ქსელზე ჯგუფურად მიერთებისა და გამომუშავებული ელექტროენერგიის განაწილების საკითხზეც. მისი თქმით, ჯგუფის წევრები შეძლებენ გამანაწილებელ ქსელზე მიერთებას, თუმცა მიერთების არეალი შეიზღუდება სატრანსფორმატორო ქვეპუნქტით.„ჯგუფის წევრები შეძლებენ შეთანხმდნენ მიკროსიმძლავრის ელექტროსადგურის მიერ ქსელში ჭარბად გადადინებული ელექტროენერგიის მოცულობის განაწილებაზე. ასეთ შემთხვევაში, ანგარიშსწორების პირობები დამოკიდებული იქნება იმაზე, თუ მომხმარებელს რომელ მიმწოდებელთან ექნება დადებული მიწოდების ხელშეკრულება. კერძოდ, თუ მიწოდების ხელშეკრულება დადებული იქნება თავისუფალ მიმწოდებელთან, მხარეები ხელშეკრულებით შეთანხმდებიან შესასყიდი ელექტროენერგიის ფასსა და ანგარიშსწორების მექანიზმზე, ხოლო თუ მიწოდების ხელშეკრულება დადებული იქნება საჯარო ვალდებულების მქონე მიმწოდებელთან, გაიქვითება მომსახურების საფასური“, - აღნიშნა დავით ნარმანიამ.
საზოგადოება • 1751623050
დონალდ ტრამპი - UFC-ის ბრძოლა თეთრი სახლის ტერიტორიაზე გვექნება
აშშ-ის პრეზიდენტის, დონალდ ტრამპის განცხადებით, ის გეგმავს, რომ UFC-ის ბრძოლას თეთრი სახლის ტერიტორიაზე უმასპინძლოს.„ჩვენ გვექნება UFC-ის ბრძოლა თეთრი სახლის ტერიტორიაზე“, - აღნიშნა ტრამპმა.ტრამპის მიერ გაჟღერებული გეგმა თეთრი სახლის პრესსპიკერმა, კაროლინ ლევიტმაც დაადასტურა და დასძინა, რომ პრეზიდენტი ამ საკითხისადმი სრულიად სერიოზულად არის განწყობილი.UFC-ის ოფიციალურმა პირმა CNN-ს განუცხადა, რომ UFC-ის ღონისძიების ჩატარებასთან დაკავშირებით თეთრ სახლთან მოლაპარაკებებს აწარმოებენ.„UFC-ის ღონისძიების ადგილზე ჩატარების შესახებ თეთრ სახლთან მოლაპარაკებებს ვაწარმოებთ“, - განაცხადა UFC-ის ოფიციალურმა პირმა და დასძინა, რომ ამ დროისთვის დამატებითი დეტალების გაზიარება არ შეუძლია.CNN-ი იუწყება, რომ დონალდ ტრამპი აშშ-ის პირველი მოქმედი პრეზიდენტი გახდა, რომელიც UFC-ის ღონისძიებას დაესწრო, როდესაც ის აპრილში, მაიამიში გამართულ ბრძოლას დაესწრო. აშშ-ის პრეზიდენტი UFC-ის ღონისძიებას გასულ თვეში ნიუ-ჯერსიშიც დაესწრო.
მსოფლიო • 1751622921
„საგზაო ინფრასტრუქტურის ასოციაციის“ თავმჯდომარე - 2024 წელს ავარიის შედეგად 101 ქვეითი გარდაიცვალა, 2025 წლის პირველ კვარტალში კი - 50 - საჭიროა, ურბანული სიჩქარეები დაბალანსდეს, სიჩქარეზე ვიდეოჯარიმები კი ქულებს მიებას
2024 წელს საგზაო სატრანსპორტო შემთხვევების შედეგად 101 ფეხით მოსიარულე გარდაიცვალა, ხოლო 2025 წლის პირველ კვარტალში 50 - ფაქტობრივად, გამოდის რომ წელს, სამი თვის განმავლობაში, ყოველი მეორე ფეხით მოსიარულე გარდაიცვალა - ამის შესახებ „საგზაო ინფრასტრუქტურის ასოციაციის" თავმჯდომარე, ირაკლი იზორიამ განაცხადა.მისივე თქმით, მარტო სანქციების გამკაცრებით ვერ მოხერხდება სიცოცხლის გადარჩენა, კერძოდ, უნდა მოხდეს ურბანული სიჩქარეების დაბალანსება, აუცილებელია ქულათა სისტემის გადახედვა და ის, რომ ვიდეოჯარიმები სიჩქარეზე ქულებს მიებას.„2024 წელს 101 ფეხით მოსიარულე გარდაიცვალა საგზაო სატრანსპორტო შემთხვევების შედეგად, ხოლო 2025 წლის პირველ კვარტალში 50. ფაქტობრივად, გამოდის რომ წელს, სამი თვის განმავლობაში, ყოველი მეორე ფეხით მოსიარულე გარდაიცვალა. ძალიან არის გაზრდილი ამ მიმართულებით სტატისტიკა. წლებია ვაკვირდებით ფეხით მოსიარულეების პრობლემებს და წლიდან წლამდე იმატებს. აღსრულების კომპონენტი ძალიან სუსტი იყო ამ მიმართულებით.2019 წელს იყო მაღალი აღსრულება. დაახლოებით 33 000 ფეხით მოსიარულე დაჯარიმდა საქართველოს მასშტაბით. ამ მაჩვენებელმა წლების განმავლობაში დაიკლო. 2024 წლის მონაცემებით, 2300-მდე ჩამოვიდა. 2025 წლის პირველი კვარტლის მონაცემებით, მხოლოდ 58 ადამიანია დაჯარიმებული, როდესაც 3 თვეში 50 ადამიანი დავკარგეთ. აუცილებელი გახდა კანონმდებლობა გამკაცრებულიყო. სანქციების ასე გახუთმაგება მიზანშეწონილი არ იყო, მარტო სანქციების გამკაცრებით ვერ მოვახერხებთ სიცოცხლის გადარჩენას, მთელი რიგი მიმართულებაა, რაც გამოიხატება იმაში, რომ უნდა მოხდეს ურბანული სიჩქარეების დაბალანსება. აუცილებელია ქულათა სისტემის გადახედვა, ვიდეოჯარიმები სიჩქარეზე ქულებს უნდა მიებას, მძღოლებს ქულები უნდა აკლდებოდეთ“,- აღნიშნა იზორიამ მედიჰოლდინგ „კვირაში“.
სამართალი • 1751622896
გერმანიის საგარეო უწყება - პუტინსა და პრეზიდენტ ტრამპს შორის საუბრისთანავე კიევზე მასობრივი დარტყმა კიდევ ერთხელ ადასტურებს, რომ რუსეთი კვლავ სასტიკ ძალადობაზე დებს ფსონს
გერმანიის საგარეო საქმეთა სამინისტრო რუსული ძალების მიერ უკრაინაზე დრონებით და რაკეტებით განხორციელებულ თავდასხმას ეხმაურება და აცხადებს, რომ უკრაინას თავდაცვისთვის მეტი დახმარება სჭირდება და არა ნაკლები.„თავდასხმა საცხოვრებელ შენობებზე, ტერორი დრონებით და აფეთქებები მთელი ღამის განმავლობაში. პუტინსა და პრეზიდენტ ტრამპს შორის საუბრისთანავე კიევზე მასობრივი დარტყმა კიდევ ერთხელ ადასტურებს: რუსეთი კვლავ სასტიკ ძალადობაზე დებს ფსონს. უკრაინას თავდაცვისთვის მეტი სჭირდება და არა ნაკლები”, - აღნიშნულია გერმანიის საგარეო უწყების განცხადებაში.შეგახსენებთ, რუსულმა ძალებმა უკრაინას რაკეტებით და დრონებით შეუტია. ამ დროისთვის არსებული მონაცემებით, კიევში 23 ადამიანი დაშავდა.
კონფლიქტები • 1751622869
პოლიტიკა
ეკონომიკა
1743660517
დონალდ ტრამპის მიერ გამოცხადებული ტარიფების ფარგლებში საქართველოს, აზერბაიჯანისა და სომხეთის მიმართ საბაზისო 10%-იანი ტარიფი იმოქმედებსაშშ-ის პრეზიდენტის დონალდ ტრამპის მიერ გამოცხადებული ტარიფების ფარგლებში საქართველოს, სომხეთისა და აზერბაიჯანის მიმართ საბაზისო 10%-იანი ტარიფი იმოქმედებს.დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა.ჩინეთზე 34%-იანი ტარიფი დაწესდება. ევროკავშირზე - 20%, ვიეტნამზე - 46%, ტაივანზე - 32%, იაპონიაზე - 24%, ინდოეთზე - 26%, სამხრეთ კორეაზე - 25%, ტაილანდზე - 36%, შვეიცარიაზე - 31%, ინდონეზიაზე - 32%, მალაიზიაზე - 24%, დიდ ბრიტანეთზე - 10%, ისრაელზე - 17%, სამხრეთ აფრიკაზე - 30%.
1743157077
ეროვნული ბანკი - ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა - ვმუშაობთ მყისიერი გადახდების სისტემის დანერგვის პროექტზეც, თუმცა არასაბარათე და საბარათე სქემები ერთმანეთის პარალელურად იმუშავებსგავრცელებული ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა, - ამის შესახებ განცხადებას ეროვნული ბანკი ავრცელებს.ამასთან, ეროვნული ბანკის განმარტებით, მსოფლიო ბანკთან ერთად მუშაობენ მყისიერი გადახდების სისტემის დანერგვის პროექტზეც, რა სისტემაც მოსახლეობისადა ბიზნესის წარმომადგენლებისთვის 2026 წლის მეორე ნახევრიდან იქნება ხელმისაწვდომი.როგორც სებ-ი აცხადებს, „აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში, ისევე როგორც მსოფლიოს წამყვან ქვეყნებში, იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“.„გვსურს გამოვეხმაუროთ სხვადასხვა მედიასაშუალებებში გავრცელებულ დეზინფორმაციას იმის შესახებ, რომ თითქოს საქართველოში საგადახდო სისტემების - VISA და MASTERCARD-ის საქმიანობის შეზღუდვა იგეგმება.პირველ რიგში, განვმარტავთ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს.საქართველოს ეროვნული ბანკის ერთ-ერთი ფუნქციაა, ხელი შეუწყოს საგადახდო სისტემის უსაფრთხო, მდგრად და ეფექტიან ფუნქციონირებას.ამ ფუნქციის შესასრულებლად, ეროვნული ბანკი მუდმივად ზრუნავს ქვეყნის საგადახდო სისტემის განვითარებისთვის, მისი ხელმისაწვდომობის, ეფექტიანობის, უსაფრთხოების გაუმჯობესებისთვის, ასევე ამ კუთხით კონკურენტული გარემოს შექმნისთვის. კერძოდ, ეროვნული ბანკი თავად ავითარებს საგადახდო ინფრასტრუქტურას, ამზადებს წინადადებებს საკანონმდებლო ცვლილებებისთვის, ასევე თანამშრომლობს მსოფლიოს წამყვან ტექნოლოგიურ კომპანიებთან, მათ შორისაა საერთაშორისო საბარათე სისტემები Visa და Mastercard.აღნიშნული კომპანიები 25 წელზე მეტია წარმოდგენილები არიან საქართველოში და უდიდესი წვლილი შეაქვთ ქვეყნის საგადახდო სფეროს განვითარებაში, რაც საქართველოში უნაღდო გადახდების ზრდის ერთ-ერთ მთავარი ხელშემწყობი იყო. Visa და Mastercard-თან თანამშრომლობის ფარგლებში პერიოდულად ინერგება ახალი პროდუქტები, მათ შორის ტრანს-სასაზღვრო გადარიცხვების საშუალებები.თუმცა ფინანსური ტექნოლოგიების განვითარებამ, საშუალება მისცა მსოფლიოს წამყვან ტრადიციულ საგადახდო სისტემებს გაეუმჯობესებინათ მათი ეფექტიანობა, კერძოდ, შეიქმნა ახალი თაობის სისტემა - მყისიერი გადახდების სისტემა, რომელიც დღეის მდგომარეობით უკვე 120-ზე მეტ ქვეყანაში დაინერგა. ეს სისტემები მუშაობენ ბარათების გამოყენების გარეშე და აქვთ შესაძლებლობა საბოლოო მომხმარებელს შესთავაზონ საბარათე გადახდების ანალოგიური გადახდის მეთოდი, გარკვეულ შემთხვევებში მეტი უპირატესობებით, როგორიცაა ოპერაციის განხორციელების ხარჯი და გადარიცხვის მიმღებისთვის თანხის დაუყოვნებელი ხელმისაწვდომობა.ეროვნულმა ბანკმა რამდენიმე წლის წინ, მსოფლიო ბანკთან ერთად, დაიწყო მყისიერი გადახდების სისტემის დანერგვის პროექტზე მუშაობა. აღნიშნული სისტემა 2026 წლის მეორე ნახევრიდან ხელმისაწვდომი იქნება უკვე ჩვენი მოსახლეობისთვის და ბიზნესის წარმომადგენლებისთვის. უფრო მეტიც, აღნიშნული სისტემა კიდევ უფრო მეტად განავითარებს, ე.წ. „ღია ბანკინგის“ მომსახურებებს, რომლებსაც საქართველოში სთავაზობენ ეროვნული ბანკის მიერ რეგისტრირებული ფინტექ კომპანიები საგადახდო მომსახურების პროვაიდერების სტატუსით. უნდა აღინიშნოს, რომ არასაბანკო საგადახდო მომსახურების პროვაიდერების ინსტიტუტის ჩამოყალიბება და „ღია ბანკინგის“ მომსახურების ხელშეწყობა, საქართველოს ევროკავშირთან ასოცირების ხელშეკრულების ერთ-ერთი მოთხოვნაა, რომელიც სრულად იყო შესრულებული 2022 წელს განხორციელებული საკანონმდებლო ცვლილებებით. მყისიერი გადახდებისა და ღია ბანკინგის მომსახურებების სინერგია საშუალებას მისცემს მომხმარებლებს და კერძო სუბიექტებს თავიანთ მოთხოვნებზე მორგებული და ხელმისაწვდომი მომსახურება მიიღონ. უნდა აღინიშნოს რომ საქართველოში საბარათე გადახდების საკმაოდ მაღალ დონეზე განვითარების მიუხედავად, კვლავ მცირე მეწარმეებისთვის ეს გადახდის მეთოდი არ არის ფართოდ ხელმისაწვდომი მისი მომსახურების მაღალი საკომისიოს გამო. სწორედ, მყისიერი გადახდების სისტემა ფინტექ კომპანიებთან კოლაბორაციით, გაზრდის ელექტრონული გადახდების ხელმისაწვდომობას იმ სექტორში, რომელიც დღეს ამ მომსახურებას მოკლებულია.დამატებით უნდა აღინიშნოს, ახალი საგადახდო სისტემა იმუშავებს საერთაშორისო სტანდარტის საფუძველზე და თავსებადია ევროს ერთიანი საგადახდო სივრცის (SEPA) სქემებთან, რაც საშუალებას მოგვცემს SEPA გეოგრაფიულ არეალში საქართველოს გაწევრიანების შემდეგ განვახორციელოთ ჩვენი ქვეყნის საგადახდო სისტემის ევროპულ საგადახდო სისტემასთან ინტეგრაცია.განვმარტავთ, რომ ზემოთ აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში ისევე როგორც მსოფლიოს წამყვან ქვეყნებში მუშაობს და კვლავაც იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“, - ნათქვამია ინფორმაციაში.
1742546067
„საქსტატი“ - 2024 წელს, რეალური მთლიანი შიდა პროდუქტის ზრდამ წინა წელთან შედარებით, 9.4 პროცენტი შეადგინასტატისტიკის ეროვნული სამსახურის ცნობით, 2024 წლის წინასწარი მონაცემებით, მთლიანი შიდა პროდუქტის მოცულობა მიმდინარე ფასებში 91 891.8 მლნ. ლარს გაუტოლდა, რაც წინა წლის შესაბამის მაჩვენებელს 13.6 პროცენტით აღემატება.როგორც „საქსტატის“ მიერ გავრცელებულ ინფორმაციაშია ნათქვამი, რეალური მთლიანი შიდა პროდუქტის ზრდამ 2024 წელს, წინა წელთან შედარებით, 9.4 პროცენტი შეადგინა.„მთლიანი შიდა პროდუქტის დეფლატორის პროცენტული ცვლილება 2024 წელს 3.8 პროცენტით განისაზღვრა.საბითუმო და საცალო ვაჭრობა; ავტომობილების და მოტოციკლების რემონტი (15.2 პროცენტი) და უძრავ ქონებასთან დაკავშირებული საქმიანობები (9.9 პროცენტი). შემდგომ პოზიციებს იკავებს დამამუშავებელი მრეწველობა (9.3 პროცენტი), მშენებლობა (8.4 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (7.0 პროცენტი), ინფორმაციისა და კომუნიკაცია (6.4 პროცენტი), სოფლის სატყეო და თევზის მეურნეობა (6.2 პროცენტი), ტრანსპორტი და დასაწყობება (5.9 პროცენტი), განათლება (5.7 პროცენტი), საფინანსო და სადაზღვევო საქმიანობები (5.2 პროცენტი).2024 წელს წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (24.3 პროცენტი), განათლება (29.1 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (17.9 პროცენტი), მშენებლობა (14.2 პროცენტი), საბითუმო და საცალო ვაჭრობა; ავტომობილების და მოტოციკლების რემონტი (6.7 პროცენტი), საფინანსო და სადაზღვევო საქმიანობები (14.9 პროცენტი).კლება აღინიშნა შემდეგ დარგში: ელექტროენერგიის, აირის, ორთქლის და კონდიცირებული ჰაერის მიწოდება (-8.3 პროცენტი)“,-აღნიშნულია საქსტატის მიერ გავრცელებულ ინფორმაციაში.
1740397827
ლევან დავითაშვილი - რიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა ზოგიერთი ოპონენტის მოქმედება რომ ნაკლებად უპასუხისმგებლო ყოფილიყო, კიდევ უფრო უკეთესი მდგომარეობა იქნებოდარიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა თუ ნაკლები იქნებოდა უპასუხისმგებლო მოღვაწეობა ზოგიერთი ოპონენტის და პოლიტიკური ჯგუფის, კიდევ უფრო უკეთესი მდგომარეობა იქნებოდა - მომავალშიც, მერწმუნეთ, შევინარჩუნებთ როგორც სტაბილურ ეკონომიკურ განვითარებას, ისე ზოგად პოლიტიკურ სტაბილურობას ქვეყანაში,- ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის ადმინისტრაციაში გამართულ პრესკონფერენციაზე განაცხადა.მან ასევე ისაუბრა ტურიზმის სექტორში არსებულ გამოწვევებზე და განაცხადა, რომ სხვადასხვა ტიპის გამოწვევაა, რაზეც სამუშაოა, მათ შორის ეს „მიწოდებისა და მოთხოვნის არც ისე შესაფერისი თანხვედრა“.„ტურიზმის ადმინისტრაცია მუშაობს და აკეთებს ანალიზს, რა გამოწვევები აქვს სექტორს. არის სხვადასხვა ტიპის გამოწვევა, რაზეც უნდა ვიმუშაოთ, მათ შორის ეს არის მიწოდების და მოთხოვნის არც ისე შესაფერისი თანხვედრამ როგორც შეიძლება რომ ვისურვოთ, იცით, რომ მიწოდება გაზრდილია. გაზრდილია ზოგიერთი ტიპის ტურისტულ პროდუქტზე, რომელზეც შეიძლება ნაკლები მოთხოვნაა და პირიქით - შეიძლება რაღაცაზე იყოს მეტი მოთხოვნა და ასეთი ტიპის მიწოდება არ არის. მათ შორის, საწოლი ადგილები გაზრდილია. Airbnb-ის კუთხით საქართველოში ძალიან აქტიურად გამოიყენება კერძო საკუთრება, აპარტამენტები, რომელიც კონკურენციას უწევს სასტუმროებს. კონკრეტულ შემთხვევაში შეიძლება კონკრეტულ სასტუმრო ობიექტებს ჰქონდეთ გარკვეული უკმაყოფილება, მაგრამ ამას თავისი ახსნა აქვს. ჩვენ ზოგადად ვმუშაობთ ქვეყნის ცნობადობაზე, ტურისტულ კამპანიებზე, მათ შორის კერძო სექტორთან მჭიდრო თანამშრომლობით ხდება გადაწყვეტილებების მიღება. თუ ერთეული ადამიანები თავის აზრს აფიქსირებენ, არ ნიშნავს, რომ ტურისტულ სექტორთან, როგორც დარგთან, კომუნიკაციის პრობლემა აქვს ტურიზმის ეროვნულ ადმინისტრაციას - არანაირად. მე თვითონ მოვიკითხე, რამდენიმე დღის წინაც გავიარეთ გეგმები მათ შორის მიმდინარე წლის და უფრო გრძელვადიანი. ტურიზმის ადმინისტრაციას აქვს საკმაოდ ადეკვატური გეგმები, მათ შორის ძალიან მნიშვნელოვანი იმ კუთხით, რომ ტურისტული პროდუქტი გაუმჯობესდეს, კანონმდებლობის შესაბამისად შემოვიდეს სტანდარტები, მართვის ახალი პრინციპები და ბევრი სხვა რამ, რაც ჩვენს სექტორს კიდევ უფრო კონკურენტუნარიანს გახდის. გრძელვადიანი მდგრადობა სხვანაირად, ფუნდამენტური რეფორმების გარეშე არ შეიძლება. გვესმის, რომ წარმატებები გვაქვს, გვაქვს გარკვეული მოკლევადიანი შედეგები, მაგრამ გრძელვადიანი სტაბილურობისთვის მნიშვნელოვანია უფრო მეტი ორიენტირება ხარისხზე“, - განაცხადა დავითაშვილმა.
1738067007
ლევან დავითაშვილი - 6 მლრდ დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება6 მილიარდი დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება, - ასე შეაფასა პირველმა ვიცე-პრემიერმა, ლევან დავითაშვილმა პრემიერ მინისტრის აბუ-დაბიში ვიზიტის ფარგლებში გაფორმებული შეთანხმება, საქართველოში 6 მილიარდი აშშ დოლარის ინვესტირების შესახებ.ეკონომიკისა და მდგრადი განვითარების მინისტრის თქმით, ასეთი მასშტაბის უცხოური პირდაპირი ინვესტიციები ჩვენს ქვეყანაში არ განხორციელებულა.მისივე განცხადებით, ეს არის არამხოლოდ ეკონომიკისთვის მნიშვნელოვანი რიცხვებში გამოხატული ხელშეწყობა, რაც ეკონომიკურ ზრდას მისცემს სტიმულს, არამედ მას მნიშვნელოვანი ეფექტი შეიძლება ჰქონდეს პირდაპირი უცხოური ინვესტიციების მოზიდვის თვალსაზრისით.როგორც ლევან დავითაშვილმა აღნიშნა, 6 მილიარდიანი ინვესტირების გადაწყვეტილება ისეთმა კომპანიამ მიიღო, რომლის საინვესტიციო პოლიტიკას ძალიან ბევრი დეველოპერი, საერთაშორისოდ წარმატებული კომპანია თვალს ადევნებს და მის გადაწყვეტილებას მიჰყვება.“ამას, რა თქმა უნდა, განაპირობებს ჩვენთან შექმნილი ხელსაყრელი, სტაბილური ეკონომიკური მდგომარეობა, ასევე საინვესტიციო კლიმატი და ბიზნესის კეთების გარემო. რა თქმა უნდა, ეს ყველაფერი იყო ამ საინვესტიციო გადაწყვეტილების მიღების მოტივატორი, თუმცა ასევე უნდა აღინიშნოს, რომ განსაკუთრებით მაღალ დონეზეა ორმხრივი თანამშრომლობა არაბთა გაერთიანებულ საამიროებთან პოლიტიკური, ეკონომიკური თუ ტურიზმის მიმართულებითაც“, - განაცხადა ლევან დავითაშვილმა.ამასთან, პირველმა ვიცე-პრემიერმა აღნიშნა, რომ არაბთა გაერთიანებული საამიროების ფედერალური მთავრობისა და თავად პრეზიდენტის უშუალო ჩართულობა იყო მნიშვნელოვანი იმისთვის, რომ კომპანიას აღნიშნული საინვესტიციო გადაწყვეტილება მიეღო.“პირდაპირ შეიძლება ითქვას, რომ ეს არ არის მხოლოდ კერძო ინვესტიცია. ამ შემთხვევაში, აბუ-დაბის მთავრობაც აქტიურად იქნება წარმოდგენილი, როგორც ინვესტორი.ამ ინვესტიციით, ვფიქრობ, ახალ ეტაპზე გადადის, ზოგადად, ამ ქვეყანასთან ორმხრივი თანამშრომლობა, ჩვენ ამისთვის ბევრი სამუშაო გავწიეთ. ერთ-ერთი პირველი ქვეყანა იყო საქართველო, რომელმაც ე.წ ყოვლისმომცველი ეკონომიკური თანამშრომლობის შეთანხმებას მიაღწია არაბთა გაერთიანებულ საამიროებთან - ეს შეთანხმება ოფიციალურად ძალაში შევიდა გასულ წელს, ამის ერთ-ერთი გაგრძელებაა ესეთი მნიშვნელოვანი ინვესტიციების განხორციელება საქართველოში, რომელიც არის ორ ქვეყანას შორის მჭიდრო ეკონომიკური თანამშრომლობის მხოლოდ დასაწყისი“, - განაცხადა ლევან დავითაშვილმა.
