1745494732 • პოლიტიკა
მსოფლიო
აშშ-ის ფედერალურმა მოსამართლემ დონალდ ტრამპის ადმინისტრაციას „ამერიკის ხმის“ საქმიანობის აღდგენა დაავალა
აშშ-ის ფედერალურმა მოსამართლემ აშშ-ის პრეზიდენტის, დონალდ ტრამპის ადმინისტრაციას „ამერიკის ხმის“ საქმიანობის აღდგენა დაავალა.მედიის ინფორმაციით, ვაშინგტონის ოლქის მოსამართლის გადაწყვეტილების თანახმად, სასამართლომ დააკმაყოფილა „ამერიკის ხმის“ წარმომადგენელთა შუამდგომლობა.კონკრეტულად, მოსამართლე აშშ-ის პრეზიდენტის ადმინისტრაციას ავალებს „ამერიკის ხმის“ ყველა თანამშრომლის სამსახურში აღდგენას, რომლებიც 14 მარტს გაათავისუფლეს ან შვებულებაში გაუშვეს, ასევე აშშ-ის გლობალური მედიის სააგენტოს (USAGM) მხრიდან მაუწყებლის დაფინანსების განახლებას.ეს გადაწყვეტილება ავტომატურად არ ნიშნავს, რომ „ამერიკის ხმა“ მაშინვე განაახლებს მუშაობას. სავარაუდოდ, ტრამპის ადმინისტრაცია ამ გადაწყვეტილებას გაასაჩივრებს.ცნობისთვის, მიმდინარე წლის მარტში აშშ-ის პრეზიდენტმა, დონალდ ტრამპმა ხელი მოაწერა აღმასრულებელ განკარგულებას, რომელიც მიზნად ისახავდა შვიდი ფედერალური სააგენტოს გაუქმებას. მათ შორის არის სააგენტო, რომელიც ზედამხედველობს „ამერიკის ხმას“, „რადიო თავისუფლებას“ და აშშ-ის მთავრობის მიერ დაფინანსებულ სხვა მედიასაშუალებებს მსოფლიოში.მოგვიანებით, თეთრი სახლში „ამერიკის ხმის“ დაფინანსების შეწყვეტის შესახებ გადაწყვეტილება განმარტეს. განცხადებაში, რომლის სათაურია „რადიკალური ამერიკის ხმა“, მოყვანილია ციტატები სხვადასხვა მედიასაშუალებიდან, რომლებშიც „ამერიკის ხმას“ ჟურნალისტური სტანდარტების დარღვევასა და პასუხისმგებლობისგან მუდმივ თავის არიდებაში ადანაშაულებდნენ.
1745382371
ჟან-ნოელ ბარო - ევროპამ აშშ-ს უკრაინასთან დაკავშირებით თავისი „წითელი ხაზები“ წარუდგინა
ევროპულმა ქვეყნებმა შეერთებულ შტატებს უკრაინაში ომის დასრულების მოლაპარაკებებში თავიანთი „წითელი ხაზები“ წარუდგინეს, - უკრაინული მედიის ცნობით, ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ Franceinfo-სთვის მიცემულ ინტერვიუში განაცხადა.მისი თქმით, ცეცხლის შეწყვეტის შესახებ მოლაპარაკებები, რომელიც დღეს ლონდონში გაიმართება, უკრაინული და ევროპული მხარეებისთვის იქნება შესაძლებლობა, კიდევ ერთხელ გამოხატონ თავიანთი მოლოდინები და „წითელი ხაზები.„ერთადერთი მიზანი, რაც ჩვენ გვაღელვებს, ფრანგი ხალხის ინტერესების დაცვა და ევროპისა და საფრანგეთის უსაფრთხოებაა. სწორედ ამიტომ, მას შემდეგ, რაც შეერთებულმა შტატებმა გადაწყვიტა შუამავლის როლის შესრულება, ჩვენ მათ ვაცნობთ ჩვენს წითელ ხაზებს, იმას, თუ რას არ დავთმობთ“, - აღნიშნა საფრანგეთის საგარეო უწყების ხელმძღვანელმა.
1745382228
მედია - რუსეთის სარაკეტო-საარტილერიო მთავარი სამმართველოს არსენალის ტერიტორიაზე ძლიერი აფეთქებებია
რუსეთის სარაკეტო-საარტილერიო მთავარი სამმართველოს არსენალში ძლიერი აფეთქებები ისმის. ამის შესახებ ინფორმაციას რუსული და უკრაინული გამოცემები ავრცელებენ.ცნობების თანახმად, ობიექტზე ძლიერი აფეთქება მოხდა და მეორადი აფეთქებები გრძელდება.რუსული გამოცემა ASTRA-ის ცნობით, აფეთქებები ვლადიმირის ოლქის კირჟაჩის რაიონში მდებარე სამხედრო ნაწილში ისმის. არსებული ცნობებით, მოსკოვიდან კირჟაჩისკენ მიმავალი გზა გადაიკეტა.ადგილობრივების ინფორმაციით, ბოლი დასახლებულ პუნქტ ბარსოვოზე ჩანს, სადაც სარაკეტო-საარტილერიო მთავარი სამმართველოს არსენალი, სამხედრო ნახილი #11785 მდებარეობს. აღინიშნება, რომ ეს რუსეთის თავდაცვის სამინისტროს ერთ-ერთი ყველაზე დიდი არსენალია.
1745343182
პაპ ფრანცისკეს შაბათს დაკრძალავენ
ვატიკანმა დაადასტურა, რომ პაპ ფრანცისკეს დაკრძალვის ცერემონია შაბათს, ადგილობრივი დროით 10:00 საათზე გაიმართება.მოკლე განცხადების თანახმად, წმინდა პეტრეს მოედანზე დაკრძალვის ლიტურგიას კარდინალების კოლეჯის დეკანი, კარდინალი ჯოვანი ბატისტა რე უხელმძღვანელებს.პაპ ფრანცისკეს თხოვნის თანახმად, მის ცხედარს ოთხშაბათს დილით წმინდა პეტრეს ბაზილიკაში გადაასვენებენ, შემდეგ კი სანტა მარია მაჯორეს ბაზილიკაში, სადაც დაკრძალავენ.შეგახსენებთ, რომის პაპი გუშინ დილით, 88 წლის ასაკში გარდაიცვალა.
1745313899
დონალდ ტრამპი რომის პაპ ფრანცისკეს დაკრძალვას დაესწრება
დონალდ ტრამპის განცხადებით, რომის პაპის დაკრძალვას დაესწრება. „მე და მელანია რომში, პაპ ფრანცისკეს დაკრძალვაზე მივემგზავრებით. იქ ყოფნას მოუთმენლად ველით!“, - წერს აშშ-ის პრეზიდენტი, დონალდ ტრამპი Truth Social-ზე.შეგახსენებთ, რომის პაპი ფრანცისკე 21 აპრილს 88 წლის ასაკში გარდაიცვალა. ვატიკანის განცხადებით, პაპ ფრანცისკეს გარდაცვალების მიზეზი ინსულტი გახდა.რომის პაპ ფრანცისკეს სანტა მარია მაჯორეს ბაზილიკაში დაკრძალავენ.
1745304547
რომის პაპი ფრანცისკე 88 წლის ასაკში გარდაიცვალა
კათოლიკური ეკლესიის ლიდერი, პაპი ფრანცისკე, გარდაიცვალა. ინფორმაციას Reuters-ი ვატიკანის განცხადებაზე დაყრდნობით ავრცელებს.„ძვირფასო ძმებო და დებო, ღრმა მწუხარებით გაცნობებთ ჩვენი წმინდა მამის, ფრანცისკეს გარდაცვალების შესახებ“, - განაცხადა კარდინალმა კევინ ფარელმა მიმართვაში.პაპი ფრანცისკე 88 წლის იყო. ის კათოლიკურ ეკლესიას ათ წელზე მეტი ხნის განმავლობაში ხელმძღვანელობდა.ბოლო წლებში პაპს ჯანმრთელობის არაერთი პრობლემა ჰქონდა, რის გამოც მისი ჯანმრთელობა სულ უფრო და უფრო უარესდებოდა. მან ცოტა ხნის წინ ორმხრივი პნევმონიის მძიმე შეტევა გადაიტანა.
1745224041
რუსეთის თავდაცვის უწყება - უკრაინულმა დრონებმა 900-ზე მეტი თავდასხმა განახორციელეს, არიან დაღუპულები და დაშავებულები
უკრაინულმა უპილოტო საფრენმა აპარატებმა ღამით 900-ზე მეტი თავდასხმა და საბრძოლო მასალის ჩამოყრა განახორციელეს, მათ შორის სასაზღვრო ზონაში, - ამის შესახებ რუსეთის თავდაცვის სამინისტრომ განაცხადა.“ღამის განმავლობაში, მტერმა გამოიყენა 48 თვითმფრინავის ტიპის უპილოტო საფრენი აპარატი. უკრაინულმა ქვედანაყოფებმა ჩვენი ჯარების პოზიციებს ქვემეხებიდან და ნაღმტყორცნებიდან ცეცხლი 444-ჯერ გაუხსნეს, უპილოტო საფრენი აპარატებიდან 900 დარტყმა განახორციელეს და სხვადასხვა საბრძოლო მასალა ჩამოაგდეს. მათ შორის ბრიანსკის, კურსკის და ბელგოროდის ოლქების სასაზღვრო რაიონებში”, - აღნიშნულია ინფორმაციაში.უწყების მტკიცებით, არიან დაღუპულები და დაშავებულები, დაზიანდა სამოქალაქო ობიექტები.
1745155123
სერგეი ლავროვი - ევროკავშირის მიერ ოფიციალური პირებისთვის 9 მაისს მოსკოვში გამგზავრების აკრძალვა ნაციზმის განახლებაა - რუსეთი ამას არ შეეგუება
ევროკავშირის სურვილი, 9 მაისს ზოგიერთი ევროპული ქვეყნის პოლიტიკოსებს, მათ შორის სახელმწიფო ლიდერებს, რუსეთში ჩასვლა აუკრძალოს, ნაციზმის იდეოლოგიის აღდგენის მცდელობაა, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.„არ არსებობს სიტყვა, რომელიც ამ მოვლენას დაახასიათებდა. ახლა ირონიულად არ ვსაუბრობ, გონებისთვის გაუგებარია, თუ როგორ ღიად სურს ევროკავშირს ნაციზმის ევროპული იდეოლოგიის განახლება“, - განაცხადა ლავროვმა.მისი თქმით, რუსეთი ამას არ შეეგუება და ყველა ღონეს იხმარს იმისათვის, რომ ნაციზმის ამ იდეოლოგია „თავი არ წამოწიოს“ და განადგურდეს, ევროპა კი თავის ღირებულებებს დაუბრუნდეს.
1745155006
ვოლოდიმირ ზელენსკი - რუსეთი ფრონტის სხვადასხვა მიმართულებით დაბომბვას აგრძელებს - უკრაინა სარკისებურად იმოქმედებს
უკრაინის პრეზიდენტის, ვოლოდიმირ ზელენსკის განცხადებით, ფრონტზე აქტიური სამხედრო ოპერაციები მიმდინარეობს. მისი თქმით, უკრაინის შეიარაღებული ძალების მთავარსარდლის, ალექსანდრ სირსკის მოხსენების თანახმად, რუსულმა დანაყოფებმა დღეს დილით ფრონტის ხაზის სხვადასხვა მიმართულებით 59 დაბომბვა და 5 თავდასხმითი შეტევა განახორციელეს.„ჩვენი ჯარისკაცები ყველგან ისე რეაგირებენ, როგორც მტერი იმსახურებს კონკრეტულ საბრძოლო ვითარებაში. უკრაინა სარკისებურად გააგრძელებს მოქმედებას. გუშინ 18:00 საათიდან დღეს 00:00 საათამდე რუსეთის არმიის მიერ განხორციელდა 387 დაბომბვა და 19 თავდასხმითი მოქმედება. რუსებმა დრონები 290-ჯერ გამოიყენეს“, - აღნიშნა ზელენსკიმ.მისი თქმით, რუსული არმია ცდილობს შექმნას ცეცხლის შეწყვეტის შთაბეჭდილების შექმნას, მაგრამ უკრაინისთვის დანაკარგების მიყენებას არ წყვეტს.„საერთო ჯამში, აღდგომის დილის მონაცემებით, შეგვიძლია ვთქვათ, რომ რუსული არმია ცდილობს შექმნას ცეცხლის შეწყვეტის ზოგადი შთაბეჭდილება, მაგრამ ზოგჯერ არ წყვეტს წინსვლისა და უკრაინისთვის დანაკარგების მიყენების ცალკეულ მცდელობებს. რუსეთმა სრულად უნდა შეასრულოს ცეცხლის შეწყვეტის პირობები“, - აღნიშნა ზელენსკიმ.მისი თქმით, უკრაინის წინადადება 20 აპრილის 24:00 საათიდან 30 დღით ცეცხლის შეწყვეტის შესახებ ძალაში რჩება და ქვეყანა ფრონტზე არსებული რეალური ვითარების შესაბამისად უპასუხებს.
1745142039
აშშ-ში ათასობით მოქალაქემ დონალდ ტრამპის საწინააღმდეგო აქციები გამართა
პრეზიდენტ დონალდ ტრამპის ბოლოდროინდელი ქმედებების გასაპროტესტებლად შეერთებული შტატების ქუჩებში ათასობით ადამიანი გამოვიდა.მედიის ინფორმაციით, დემონსტრანტები თეთრი სახლთან, Tesla-ს დილერების შენობებთან და ქალაქების ცენტრებში შეიკრიბნენ და სხვადასხვა საკითხზე უკმაყოფილება გამოხატეს, მათ შორის მთავრობის ეფექტურობის დეპარტამენტის ქმედებებზე.საპროტესტო აქციების მონაწილეების ნაწილს ეჭირა პლაკატები წარწერით : „არა მეფეებს“.დონალდ ტრამპის საწინააღდეგო დემონსტრაციის “50501“ („50 პროტესტი, 50 შტატი, 1 მოძრაობა“) ფარგლებში 80-ზე მეტი საპროტესტო აქცია გაიმართა.
1745141894
ბენიამინ ნეთანიაჰუ - ისრაელს სხვა არჩევანი არ აქვს, გარდა იმისა, რომ ღაზაში ბრძოლა გააგრძელოს
ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელს სხვა არჩევანი არ აქვს, გარდა იმისა, რომ ღაზას სექტორში ბრძოლა გააგრძელოს.მისივე თქმით, ისრაელი არ დაასრულებს ომს „ჰამასის“ განადგურებამდე, მძევლების გათავისუფლებამდე და იმის უზრუნველყოფამდე, რომ ღაზას ტერიტორია ისრაელისთვის საფრთხეს არ წარმოადგენდეს, - ინფორმაციას Associated Press-ი ავრცელებს.პრემიერ-მინისტრმა ასევე განაცხადა, რომ ისრაელი უზრუნველყოფს იმას, რომ ირანს ბირთვული იარაღი არასდროს ჰქონდეს. გამოცემის ცნობით, პრემიერ-მინისტრმა ეს განცხადება მას შემდეგ გააკეთა, რაც ღაზას ჯანდაცვის სამინისტრომ გაავრცელა ინფორმაცია, რომ ისრაელის საჰაერო დარტყმებმა 48 საათში 90-ზე მეტი ადამიანი, მათ შორის ქალები და ბავშვები, იმსხვერპლა.
1745141850
რუსული მედია - ვლადიმერ პუტინმა სააღდგომო ცეცხლის შეწყვეტა გამოაცხადა
ვლადიმერ პუტინმა სააღდგომო ცეცხლის შეწყვეტა გამოაცხადა, - ამის შესახებ ინფორმაციას რუსული მედია კრემლზე დაყრდნობით ავრცელებს.„კრემლში შეხვედრისას უმაღლესმა მთავარსარდალმა საბრძოლო საკონტაქტო ხაზზე არსებული ვითარების შესახებ რუსეთის შეიარაღებული ძალების გენერალური შტაბის უფროსის, ვალერი გერასიმოვის მოხსენება მოისმინა და განაცხადა, რომ რუსული მხარე აჩერებს ყველა საომარ მოქმედებას 19 აპრილის 18 საათიდან [მოსკოვის დროით], 21 აპრილის 00:00 საათამდე [მოსკოვის დროით]“, - ნათქვამია კრემლის განცხადებაში.ამასთან, ვლადიმერ პუტინმა უკრაინას მოუწოდა, რომ სააღდგომო ცეცხლის შეწყვეტასთან დაკავშირებით რუსეთის მაგალითს მიჰყვეს.„სააღდგომო ცეცხლის შეწყვეტის შესახებ რეაქცია გვაჩვენებს, თუ რამდენად გულწრფელია კიევის უნარი და სურვილი, სამშვიდობო მოლაპარაკებებში მონაწილეობა მიიღოს“, - განაცხადა რუსეთის პრეზიდენტმა გერასიმოვთან შეხვედრაზე.
1745076412
პოლიტიკა
ეკონომიკა
1743660517
დონალდ ტრამპის მიერ გამოცხადებული ტარიფების ფარგლებში საქართველოს, აზერბაიჯანისა და სომხეთის მიმართ საბაზისო 10%-იანი ტარიფი იმოქმედებსაშშ-ის პრეზიდენტის დონალდ ტრამპის მიერ გამოცხადებული ტარიფების ფარგლებში საქართველოს, სომხეთისა და აზერბაიჯანის მიმართ საბაზისო 10%-იანი ტარიფი იმოქმედებს.დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა.ჩინეთზე 34%-იანი ტარიფი დაწესდება. ევროკავშირზე - 20%, ვიეტნამზე - 46%, ტაივანზე - 32%, იაპონიაზე - 24%, ინდოეთზე - 26%, სამხრეთ კორეაზე - 25%, ტაილანდზე - 36%, შვეიცარიაზე - 31%, ინდონეზიაზე - 32%, მალაიზიაზე - 24%, დიდ ბრიტანეთზე - 10%, ისრაელზე - 17%, სამხრეთ აფრიკაზე - 30%.
1743157077
ეროვნული ბანკი - ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა - ვმუშაობთ მყისიერი გადახდების სისტემის დანერგვის პროექტზეც, თუმცა არასაბარათე და საბარათე სქემები ერთმანეთის პარალელურად იმუშავებსგავრცელებული ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა, - ამის შესახებ განცხადებას ეროვნული ბანკი ავრცელებს.ამასთან, ეროვნული ბანკის განმარტებით, მსოფლიო ბანკთან ერთად მუშაობენ მყისიერი გადახდების სისტემის დანერგვის პროექტზეც, რა სისტემაც მოსახლეობისადა ბიზნესის წარმომადგენლებისთვის 2026 წლის მეორე ნახევრიდან იქნება ხელმისაწვდომი.როგორც სებ-ი აცხადებს, „აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში, ისევე როგორც მსოფლიოს წამყვან ქვეყნებში, იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“.„გვსურს გამოვეხმაუროთ სხვადასხვა მედიასაშუალებებში გავრცელებულ დეზინფორმაციას იმის შესახებ, რომ თითქოს საქართველოში საგადახდო სისტემების - VISA და MASTERCARD-ის საქმიანობის შეზღუდვა იგეგმება.პირველ რიგში, განვმარტავთ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს.საქართველოს ეროვნული ბანკის ერთ-ერთი ფუნქციაა, ხელი შეუწყოს საგადახდო სისტემის უსაფრთხო, მდგრად და ეფექტიან ფუნქციონირებას.ამ ფუნქციის შესასრულებლად, ეროვნული ბანკი მუდმივად ზრუნავს ქვეყნის საგადახდო სისტემის განვითარებისთვის, მისი ხელმისაწვდომობის, ეფექტიანობის, უსაფრთხოების გაუმჯობესებისთვის, ასევე ამ კუთხით კონკურენტული გარემოს შექმნისთვის. კერძოდ, ეროვნული ბანკი თავად ავითარებს საგადახდო ინფრასტრუქტურას, ამზადებს წინადადებებს საკანონმდებლო ცვლილებებისთვის, ასევე თანამშრომლობს მსოფლიოს წამყვან ტექნოლოგიურ კომპანიებთან, მათ შორისაა საერთაშორისო საბარათე სისტემები Visa და Mastercard.აღნიშნული კომპანიები 25 წელზე მეტია წარმოდგენილები არიან საქართველოში და უდიდესი წვლილი შეაქვთ ქვეყნის საგადახდო სფეროს განვითარებაში, რაც საქართველოში უნაღდო გადახდების ზრდის ერთ-ერთ მთავარი ხელშემწყობი იყო. Visa და Mastercard-თან თანამშრომლობის ფარგლებში პერიოდულად ინერგება ახალი პროდუქტები, მათ შორის ტრანს-სასაზღვრო გადარიცხვების საშუალებები.თუმცა ფინანსური ტექნოლოგიების განვითარებამ, საშუალება მისცა მსოფლიოს წამყვან ტრადიციულ საგადახდო სისტემებს გაეუმჯობესებინათ მათი ეფექტიანობა, კერძოდ, შეიქმნა ახალი თაობის სისტემა - მყისიერი გადახდების სისტემა, რომელიც დღეის მდგომარეობით უკვე 120-ზე მეტ ქვეყანაში დაინერგა. ეს სისტემები მუშაობენ ბარათების გამოყენების გარეშე და აქვთ შესაძლებლობა საბოლოო მომხმარებელს შესთავაზონ საბარათე გადახდების ანალოგიური გადახდის მეთოდი, გარკვეულ შემთხვევებში მეტი უპირატესობებით, როგორიცაა ოპერაციის განხორციელების ხარჯი და გადარიცხვის მიმღებისთვის თანხის დაუყოვნებელი ხელმისაწვდომობა.ეროვნულმა ბანკმა რამდენიმე წლის წინ, მსოფლიო ბანკთან ერთად, დაიწყო მყისიერი გადახდების სისტემის დანერგვის პროექტზე მუშაობა. აღნიშნული სისტემა 2026 წლის მეორე ნახევრიდან ხელმისაწვდომი იქნება უკვე ჩვენი მოსახლეობისთვის და ბიზნესის წარმომადგენლებისთვის. უფრო მეტიც, აღნიშნული სისტემა კიდევ უფრო მეტად განავითარებს, ე.წ. „ღია ბანკინგის“ მომსახურებებს, რომლებსაც საქართველოში სთავაზობენ ეროვნული ბანკის მიერ რეგისტრირებული ფინტექ კომპანიები საგადახდო მომსახურების პროვაიდერების სტატუსით. უნდა აღინიშნოს, რომ არასაბანკო საგადახდო მომსახურების პროვაიდერების ინსტიტუტის ჩამოყალიბება და „ღია ბანკინგის“ მომსახურების ხელშეწყობა, საქართველოს ევროკავშირთან ასოცირების ხელშეკრულების ერთ-ერთი მოთხოვნაა, რომელიც სრულად იყო შესრულებული 2022 წელს განხორციელებული საკანონმდებლო ცვლილებებით. მყისიერი გადახდებისა და ღია ბანკინგის მომსახურებების სინერგია საშუალებას მისცემს მომხმარებლებს და კერძო სუბიექტებს თავიანთ მოთხოვნებზე მორგებული და ხელმისაწვდომი მომსახურება მიიღონ. უნდა აღინიშნოს რომ საქართველოში საბარათე გადახდების საკმაოდ მაღალ დონეზე განვითარების მიუხედავად, კვლავ მცირე მეწარმეებისთვის ეს გადახდის მეთოდი არ არის ფართოდ ხელმისაწვდომი მისი მომსახურების მაღალი საკომისიოს გამო. სწორედ, მყისიერი გადახდების სისტემა ფინტექ კომპანიებთან კოლაბორაციით, გაზრდის ელექტრონული გადახდების ხელმისაწვდომობას იმ სექტორში, რომელიც დღეს ამ მომსახურებას მოკლებულია.დამატებით უნდა აღინიშნოს, ახალი საგადახდო სისტემა იმუშავებს საერთაშორისო სტანდარტის საფუძველზე და თავსებადია ევროს ერთიანი საგადახდო სივრცის (SEPA) სქემებთან, რაც საშუალებას მოგვცემს SEPA გეოგრაფიულ არეალში საქართველოს გაწევრიანების შემდეგ განვახორციელოთ ჩვენი ქვეყნის საგადახდო სისტემის ევროპულ საგადახდო სისტემასთან ინტეგრაცია.განვმარტავთ, რომ ზემოთ აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში ისევე როგორც მსოფლიოს წამყვან ქვეყნებში მუშაობს და კვლავაც იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“, - ნათქვამია ინფორმაციაში.
1742546067
„საქსტატი“ - 2024 წელს, რეალური მთლიანი შიდა პროდუქტის ზრდამ წინა წელთან შედარებით, 9.4 პროცენტი შეადგინასტატისტიკის ეროვნული სამსახურის ცნობით, 2024 წლის წინასწარი მონაცემებით, მთლიანი შიდა პროდუქტის მოცულობა მიმდინარე ფასებში 91 891.8 მლნ. ლარს გაუტოლდა, რაც წინა წლის შესაბამის მაჩვენებელს 13.6 პროცენტით აღემატება.როგორც „საქსტატის“ მიერ გავრცელებულ ინფორმაციაშია ნათქვამი, რეალური მთლიანი შიდა პროდუქტის ზრდამ 2024 წელს, წინა წელთან შედარებით, 9.4 პროცენტი შეადგინა.„მთლიანი შიდა პროდუქტის დეფლატორის პროცენტული ცვლილება 2024 წელს 3.8 პროცენტით განისაზღვრა.საბითუმო და საცალო ვაჭრობა; ავტომობილების და მოტოციკლების რემონტი (15.2 პროცენტი) და უძრავ ქონებასთან დაკავშირებული საქმიანობები (9.9 პროცენტი). შემდგომ პოზიციებს იკავებს დამამუშავებელი მრეწველობა (9.3 პროცენტი), მშენებლობა (8.4 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (7.0 პროცენტი), ინფორმაციისა და კომუნიკაცია (6.4 პროცენტი), სოფლის სატყეო და თევზის მეურნეობა (6.2 პროცენტი), ტრანსპორტი და დასაწყობება (5.9 პროცენტი), განათლება (5.7 პროცენტი), საფინანსო და სადაზღვევო საქმიანობები (5.2 პროცენტი).2024 წელს წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (24.3 პროცენტი), განათლება (29.1 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (17.9 პროცენტი), მშენებლობა (14.2 პროცენტი), საბითუმო და საცალო ვაჭრობა; ავტომობილების და მოტოციკლების რემონტი (6.7 პროცენტი), საფინანსო და სადაზღვევო საქმიანობები (14.9 პროცენტი).კლება აღინიშნა შემდეგ დარგში: ელექტროენერგიის, აირის, ორთქლის და კონდიცირებული ჰაერის მიწოდება (-8.3 პროცენტი)“,-აღნიშნულია საქსტატის მიერ გავრცელებულ ინფორმაციაში.
1740397827
ლევან დავითაშვილი - რიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა ზოგიერთი ოპონენტის მოქმედება რომ ნაკლებად უპასუხისმგებლო ყოფილიყო, კიდევ უფრო უკეთესი მდგომარეობა იქნებოდარიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა თუ ნაკლები იქნებოდა უპასუხისმგებლო მოღვაწეობა ზოგიერთი ოპონენტის და პოლიტიკური ჯგუფის, კიდევ უფრო უკეთესი მდგომარეობა იქნებოდა - მომავალშიც, მერწმუნეთ, შევინარჩუნებთ როგორც სტაბილურ ეკონომიკურ განვითარებას, ისე ზოგად პოლიტიკურ სტაბილურობას ქვეყანაში,- ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის ადმინისტრაციაში გამართულ პრესკონფერენციაზე განაცხადა.მან ასევე ისაუბრა ტურიზმის სექტორში არსებულ გამოწვევებზე და განაცხადა, რომ სხვადასხვა ტიპის გამოწვევაა, რაზეც სამუშაოა, მათ შორის ეს „მიწოდებისა და მოთხოვნის არც ისე შესაფერისი თანხვედრა“.„ტურიზმის ადმინისტრაცია მუშაობს და აკეთებს ანალიზს, რა გამოწვევები აქვს სექტორს. არის სხვადასხვა ტიპის გამოწვევა, რაზეც უნდა ვიმუშაოთ, მათ შორის ეს არის მიწოდების და მოთხოვნის არც ისე შესაფერისი თანხვედრამ როგორც შეიძლება რომ ვისურვოთ, იცით, რომ მიწოდება გაზრდილია. გაზრდილია ზოგიერთი ტიპის ტურისტულ პროდუქტზე, რომელზეც შეიძლება ნაკლები მოთხოვნაა და პირიქით - შეიძლება რაღაცაზე იყოს მეტი მოთხოვნა და ასეთი ტიპის მიწოდება არ არის. მათ შორის, საწოლი ადგილები გაზრდილია. Airbnb-ის კუთხით საქართველოში ძალიან აქტიურად გამოიყენება კერძო საკუთრება, აპარტამენტები, რომელიც კონკურენციას უწევს სასტუმროებს. კონკრეტულ შემთხვევაში შეიძლება კონკრეტულ სასტუმრო ობიექტებს ჰქონდეთ გარკვეული უკმაყოფილება, მაგრამ ამას თავისი ახსნა აქვს. ჩვენ ზოგადად ვმუშაობთ ქვეყნის ცნობადობაზე, ტურისტულ კამპანიებზე, მათ შორის კერძო სექტორთან მჭიდრო თანამშრომლობით ხდება გადაწყვეტილებების მიღება. თუ ერთეული ადამიანები თავის აზრს აფიქსირებენ, არ ნიშნავს, რომ ტურისტულ სექტორთან, როგორც დარგთან, კომუნიკაციის პრობლემა აქვს ტურიზმის ეროვნულ ადმინისტრაციას - არანაირად. მე თვითონ მოვიკითხე, რამდენიმე დღის წინაც გავიარეთ გეგმები მათ შორის მიმდინარე წლის და უფრო გრძელვადიანი. ტურიზმის ადმინისტრაციას აქვს საკმაოდ ადეკვატური გეგმები, მათ შორის ძალიან მნიშვნელოვანი იმ კუთხით, რომ ტურისტული პროდუქტი გაუმჯობესდეს, კანონმდებლობის შესაბამისად შემოვიდეს სტანდარტები, მართვის ახალი პრინციპები და ბევრი სხვა რამ, რაც ჩვენს სექტორს კიდევ უფრო კონკურენტუნარიანს გახდის. გრძელვადიანი მდგრადობა სხვანაირად, ფუნდამენტური რეფორმების გარეშე არ შეიძლება. გვესმის, რომ წარმატებები გვაქვს, გვაქვს გარკვეული მოკლევადიანი შედეგები, მაგრამ გრძელვადიანი სტაბილურობისთვის მნიშვნელოვანია უფრო მეტი ორიენტირება ხარისხზე“, - განაცხადა დავითაშვილმა.
1738067007
ლევან დავითაშვილი - 6 მლრდ დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება6 მილიარდი დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება, - ასე შეაფასა პირველმა ვიცე-პრემიერმა, ლევან დავითაშვილმა პრემიერ მინისტრის აბუ-დაბიში ვიზიტის ფარგლებში გაფორმებული შეთანხმება, საქართველოში 6 მილიარდი აშშ დოლარის ინვესტირების შესახებ.ეკონომიკისა და მდგრადი განვითარების მინისტრის თქმით, ასეთი მასშტაბის უცხოური პირდაპირი ინვესტიციები ჩვენს ქვეყანაში არ განხორციელებულა.მისივე განცხადებით, ეს არის არამხოლოდ ეკონომიკისთვის მნიშვნელოვანი რიცხვებში გამოხატული ხელშეწყობა, რაც ეკონომიკურ ზრდას მისცემს სტიმულს, არამედ მას მნიშვნელოვანი ეფექტი შეიძლება ჰქონდეს პირდაპირი უცხოური ინვესტიციების მოზიდვის თვალსაზრისით.როგორც ლევან დავითაშვილმა აღნიშნა, 6 მილიარდიანი ინვესტირების გადაწყვეტილება ისეთმა კომპანიამ მიიღო, რომლის საინვესტიციო პოლიტიკას ძალიან ბევრი დეველოპერი, საერთაშორისოდ წარმატებული კომპანია თვალს ადევნებს და მის გადაწყვეტილებას მიჰყვება.“ამას, რა თქმა უნდა, განაპირობებს ჩვენთან შექმნილი ხელსაყრელი, სტაბილური ეკონომიკური მდგომარეობა, ასევე საინვესტიციო კლიმატი და ბიზნესის კეთების გარემო. რა თქმა უნდა, ეს ყველაფერი იყო ამ საინვესტიციო გადაწყვეტილების მიღების მოტივატორი, თუმცა ასევე უნდა აღინიშნოს, რომ განსაკუთრებით მაღალ დონეზეა ორმხრივი თანამშრომლობა არაბთა გაერთიანებულ საამიროებთან პოლიტიკური, ეკონომიკური თუ ტურიზმის მიმართულებითაც“, - განაცხადა ლევან დავითაშვილმა.ამასთან, პირველმა ვიცე-პრემიერმა აღნიშნა, რომ არაბთა გაერთიანებული საამიროების ფედერალური მთავრობისა და თავად პრეზიდენტის უშუალო ჩართულობა იყო მნიშვნელოვანი იმისთვის, რომ კომპანიას აღნიშნული საინვესტიციო გადაწყვეტილება მიეღო.“პირდაპირ შეიძლება ითქვას, რომ ეს არ არის მხოლოდ კერძო ინვესტიცია. ამ შემთხვევაში, აბუ-დაბის მთავრობაც აქტიურად იქნება წარმოდგენილი, როგორც ინვესტორი.ამ ინვესტიციით, ვფიქრობ, ახალ ეტაპზე გადადის, ზოგადად, ამ ქვეყანასთან ორმხრივი თანამშრომლობა, ჩვენ ამისთვის ბევრი სამუშაო გავწიეთ. ერთ-ერთი პირველი ქვეყანა იყო საქართველო, რომელმაც ე.წ ყოვლისმომცველი ეკონომიკური თანამშრომლობის შეთანხმებას მიაღწია არაბთა გაერთიანებულ საამიროებთან - ეს შეთანხმება ოფიციალურად ძალაში შევიდა გასულ წელს, ამის ერთ-ერთი გაგრძელებაა ესეთი მნიშვნელოვანი ინვესტიციების განხორციელება საქართველოში, რომელიც არის ორ ქვეყანას შორის მჭიდრო ეკონომიკური თანამშრომლობის მხოლოდ დასაწყისი“, - განაცხადა ლევან დავითაშვილმა.
