1750410147 • პოლიტიკა
ელენე ხოშტარია - უცებ არ მოგართვათ ჯარიმა მონებო, წერეთ და იკითხეთ
„კოალიცია ცვლილებისთვის“ ერთ-ერთი ლიდერი, ელენე ხოშტარია სასამართლოს მიერ დაკისრებული 4000 - ლარიანი ჯარიმის გადახდას არ აპირებს. როგორც ხოშტარია სოციალურ ქსელში წერს, მას აზრის გამოხატვას ვერ შეუზღუდავენ.
„უცებ არ მოგართვათ ჯარიმა მონებო, წერეთ და იკითხეთ. რამდენჯერაც საჭიროა, იმდენჯერ გაილანძღებით და ვერც აზრის გამოხატვას შეზღუდავთ, ვერც მონობას დაარქმევთ „მოსამართლეობას“, - წერს ელენე ხოშტარია „ფეისბუქზე“.
საქართველოს სახელმწიფო პოლიტიკური თანამდებობის პირის შეურაცხყოფის საქმეზე, „კოალიცია ცვლილებისთვის“ ერთ-ერთი ლიდერი, ელენე ხოშტარია სასამართლომ დღეს 4000 ლარით დააჯარიმა. აღნიშნული გადაწყვეტილება მოსამართლე დავით თეთრაული მიიღო. მოსამართლის გადაწყვეტილებითვე, ელენე ხოშტარიას 3 წლით იარაღის ტარების უფლებაც ჩამოერთვა. პროცესს არ დასწრებია არც ელენე ხოშტარია და არც მისი უფლებადამცველი.
პოლიტიკოსის მიმართ საჩივარი „ქართული ოცნების“ აღმასრულებელმა მდივანმა, მამუკა მდინარაძემ შეიტანა.
ცნობისთვის, პოლიტიკოსებსა და აქტივისტებს შს სამინისტრო ადმინისტრაციულ სამართალდარღვევათა კოდექსის 173-16 პრიმა მუხლის დარღვევას ედავება, რომელიც პოლიტიკური თანამდებობის პირის შეურაცხყოფას გულისხმობს. მუხლი სასჯელის სახედ 1500 ლარიდან - 4000 ლარამდე ჯარიმას, ან ადმინისტრაციული პატიმრობას 45 დღემდე ვადით ითვალისწინებს.
„საერთაშორისო გამჭვირვალობა“ - ივანიშვილს 2024 წლის ბოლოს, ქონებრივი დეკლარაციის შევსება უწევდა, თუმცა დოკუმენტი არ იძებნება - რაჟდენ კუპრაშვილი, რომელმაც რეპრესიების შემსრულებლის როლი შეითავსა, ივანიშვილს ამ ვალდებულებას უხსნის
„საერთაშორისო გამჭვირვალობა-საქართველოს“ ინფორმაციით, „ქართული ოცნების“ საპატიო თავმჯდომარის, ბიძინა ივანიშვილის ქონებრივი დეკლარაცია, დეკლარაციების ვებგვერდზე არ იძებნება.როგორც ორგანიზაციის მიერ გავრცელებულ ინფორმაციაშია ნათქვამი, ბიძინა ივანიშვილს ეს ვალდებულება 2024 წლის საპარლამენტო არჩევნების შემდეგ, დეპუტატად მცირე ხნით ყოფნის გამო წარმოეშვა.ორგანიზაციის ცნობითვე, ბიძინა ივანიშვილისგან განსხვავებით, დეკლარაციების საიტზე იძებნება ირაკლი ღარიბაშვილის დეკლარაცია, რომელსაც ივანიშვილის მსგავსად, ქონების აღრიცხვის ვალდებულება დეპუტატად მცირე ხნით ყოფნის გამო ჰქონდა.„ოლიგარქ ბიძინა ივანიშვილს 2024 წლის ბოლოს ქონებრივი დეკლარაციის შევსება უწევდა. ეს ვალდებულება მას არჩევნების შემდეგ მცირე ხნით პარლამენტის წევრად ფორმალურად ყოფნის გამო წარმოეშვა. დოკუმენტი არ იძებნება დეკლარაციების ვებგვერდზე. ანტიკორუფციულმა ბიურომ არც საჯარო ინფორმაციის გამოთხოვის შედეგად მოგვაწოდა ის.შედარებისთვის, ირაკლი ღარიბაშვილის დეკლარაცია, რომელიც ასევე მცირე ხნით ფორმალურად იყო პარლამენტის წევრი, ვებგვერდზე ხელმისაწვდომია. არსებობს იმის ალბათობაც, რომ ოლიგარქმა ივანიშვილმა საერთოდ არ შეავსო დეკლარაცია.რაჟდენ კუპრაშვილი, რომელმაც სამოქალაქო საზოგადოების რეპრესიების შემსრულებლის როლი შეითავსა, უფლებადამცველი ორგანიზაციებისგან უკანონოდ ითხოვს მათი დაცვის ქვეშ მყოფი მოქალაქეების პერსონალურ ინფორმაციას მაშინ, როცა ქონებისა და კავშირების დეკლარირებისა და ამ ინფორმაციის გასაჯაროების კანონით მკაფიოდ გაწერილ ვალდებულებას უხსნის ამ რეპრესიების დამკვეთ ივანიშვილს“,- ნათქვამია ინფორმაციაში.
პოლიტიკა • 1750410147
ლევან სანიკიძე - ჩემი პროგნოზია, რომ სხვა ოპოზიციონერი ლიდერებიც იგივე ბედს გაიზიარებენ, რაც ზურა ჯაფარიძემ, ნიკა მელიამ და ნიკა გვარამიამ, თუმცა უმადური საქმეა იმის გამოცნობა, რა გადაწყვეტილება მიიღო ბიძინა ივანიშვილმა
ჩემი პროგნოზია, რომ სხვა ოპოზიციონერი ლიდერებიც, სავარაუდოდ, იგივე ბედს გაიზიარებენ, რაც ზურა გირჩი-ჯაფარიძემ, ნიკა მელიამ და ნიკა გვარამიამ გაიზიარეს - უმადური საქმეა იმის გამოცნობა, გუშინ საღამოს ბიძინა ივანიშვილმა რა გადაწყვიტა მიიღო, ამიტომ მეც ველოდები, როგორი იქნება, არა მოსამართლის, არამედ ბიძინა ივანიშვილის გადაწყვეტილება, - ამის შესახებ „ნაციონალური მოძრაობის“ ლიდერმა, ლევან სანიკიძემ განაცხადა, რითაც პარლამენტის დროებით საგამოძიებო კომისიაზე ოპოზიციონერი ლიდერების არ მისვლის გამო მიმდინარე სასამართლო პროცესებს გამოეხმაურა.სანიკიძის შეფასებით, საქართველოში გარკვეული მოსამართლეები ბიძინა ივანიშვილის ბრძანებებს ასრულებენ.„მთლიანად ეს პროცესი [პარლამენტის დროებით საგამოძიებო კომისია] არის ფარსი. გასულია, როგორც კანონმდებლობით, ისე მორალურ-ეთიკური თვალსაზრისით. ამიტომ ამ ხარკის გადახდა - გირაოს სახით, თუ შემდეგ სხვადასხვა სასჯელის დაკისრებასთან დაკავშირებით, სამართლებრივ ნონსენსზე დგას.სასამართლო სისტემაში არიან ე.წ. ჯალათი მოსამართლეები, რომლებსაც რასაც ჩასძახებენ, იმას ამოსძახებენ. თვითონ ამ გადაწყვეტილებებს არ იღებენ. ის მოსამართლე [ირაკლი შვანგირაძე], რომელსაც ნიკა მელიამ წყალი შეასხა, არ არის მოსამართლე, არ არის სასამართლო, ეს არის ბიძინა ივანიშვილის ეგზეკუცია…როდესაც მოსამართლე ჰქვია, მანტია გასხია და შენს სინდისს, შინაგან განწყობას, მტკიცებულებებს არ ემორჩილები, არამედ მთლიანად დამოკიდებული ხარ, რა „მესიჯი” მოგივა ან პროკურატურიდან, ან ლევან მურუსიძის „კლანიდან”, ასეთი მოსამართლე მინიმუმ წყლის შესხმას ნამდვილად იმსახურებს”, - განაცხადა სანიკიძემ.გარდა ამისა, სანიკიძე ჟურნალისტებთან საუბრისას ჩორჩანას საქმესთან დაკავშირებულ პროცესებს გამოეხმაურა და აღნიშნა, რომ საგამოძიებო კომისიის სხდომაზე გიორგი გახარია ხელმეორედ არ უნდა მივიდეს.„ქართულმა ოცნებამ” ოფიციალურად აღიარა, რომ მათი ხელისუფლებაში ყოფნის დროს კონკრეტული ტერიტორიის ოკუპაცია მოხდა, რასაც ისინი აქამდე უარყოფდნენ. ახლა თავად საუბრობენ, რომლის გამოისობით მოხდა ეს ოკუპაცია, ერთმანეთს ყოფილი და მოქმედი პრემიერ-მინისტრები ეჯიბრებიან. ჩემი აზრით, ესეც სამარცხვინოა. ჩვენებების მიცემა და პროკურატურაში მოქმედი/ყოფილი გენერლების სირბილი, რომლებიც ამ პროცესში (დროებით საგამოძიებო კომისიაზე) ჩართული იყვნენ. ჩემთვის, ესეც გულის ამრევია.რაც შეეხება ჩორჩანის ეპიზოდს, 2012 წლამდე ე.წ. საოკუპაციო ხაზთან „ნაციონალური მოძრაობის” დროს ბევრად უფრო მეტი სამართალდამცველი იყო და ბევრად უფრო ნაკლები შემთხვევა იყო საოკუპაციო ხაზიდან ადამიანების გატაცების. ამის უფრო ეფექტურად დაცვა შესაძლებელი იყო.მე მგონია, რომ „ქართულ ოცნებას” მორალური უფლება არ აქვს ჩორჩანის ეპიზოდთან დაკავშირებით ისაუბროს, მაგრამ ამ საკითხთან დაკავშირებით გიორგი გახარიასგანაც ბევრად უფრო მკაფიო პასუხებს მოვისმენდი. ვფიქრობ, რომ ეს არ არის მიზეზი მისი პოლიტიკური დევნის, ეს არის საბაბი. ამ საბაბის გამოყენება ამორალურია. დღეს 20 ივნისია და შეუძლებელია გიორგი გახარიაზე არ ვისაუბრო და ეს თარიღი არ ვახსენო. მე მიმაჩნია, რომ სამართლიანი სასამართლოს პირობებში 20 ივნისი ხელახლა გამოძიებული უნდა იყოს. ამიტომ ამ თემით მანიპულაცია „ქართული ოცნების” და გიორგი გახარიას მხრიდან სახელმწიფო ინტერესისთვის დამაზიანებელია.მე მაინტერესებს გიორგი გახარია იგივე შეცდომას დაუშვებს თუ არა, რაც პირველ ჯერზე დაუშვა. მე გიორგი გახარიას ადგილას [პარლამენტის დროებით საგამოძიებო კომისიაზე] არც პირველ ჯერზე მივიდოდი და ამ კომპრომისზე არ წავიდოდი, მაგრამ საინტერესოა გიორგი გახარია რა გადაწყვეტილებას მიიღებს. რაციონალური აზროვნება მოითხოვს, რომ გიორგი გახარია არ მივიდეს და თეა წულუკიანს კიდევ თავიდან არ ემართლოს, მაგრამ ამ თვალსაზრისით გიორგი გახარიას დღის წესრიგის გამოცნობა უმადური საქმეა, იმიტომ, რომ როგორც წესი, საპირისპირო გადაწყვეტილებას იღებს”, - აღნიშნა სანიკიძემ.
პოლიტიკა • 1750410106
ირანის საგარეო საქმეთა მინისტრი - მოლაპარაკებები არცერთ მხარესთან არ იქნება, სანამ ისრაელის აგრესია არ შეწყდება
ირანის საგარეო საქმეთა მინისტრის, აბას არაღჩის განცხადებით, თეირანი არცერთ მხარესთან არ გამართავს მოლაპარაკებებს მანამ, სანამ ისრაელი ირანზე თავდასხმებს არ შეწყვეტს.ირანის საგარეო უწყების ხელმძღვანელმა ამის შესახებ ირანის სახელმწიფო ტელევიზიასთან განაცხადა.მისი თქმით, შეერთებულ შტატებს ირანის ბირთვული პროგრამის საკითხის განსახილველად მოლაპარაკებების მაგიდასთან დაბრუნება სურს, თუმცა თეირანმა ამ მოთხოვნაზე უარი განაცხადა.„აშშ-სთან მოლაპარაკებების ადგილი არ იქნება მანამ, სანამ ისრაელის აგრესია არ შეწყდება“, - აღნიშნა აბას არაღჩიმ და შეერთებული შტატები ირანის წინააღმდეგ ისრაელის დანაშაულის პარტნიორობაში დაადანაშაულა.ცნობისთვის, დღეს ჟენევაში ირანის, გაერთიანებული სამეფოს, გერმანიისა და საფრანგეთის საგარეო საქმეთა მინისტრების, აბას არაღჩის, დევიდ ლემის, იოჰან ვადეფულსა და ჟან-ნოელ ბაროს შეხვედრაა დაგეგმილი.ირანის საგარეო საქმეთა სამინისტროს პრესსპიკერმა, ისმაილ ბაღაიმ გუშინ განაცხადა, რომ მხარეები შეხვედრაზე „ირანის ბირთვული პროგრამის საკითხებსა და ირანის წინააღმდეგ ისრაელის აგრესიის შემდეგ განვითარებულ მოვლენებს“ განიხილავენ.
კონფლიქტები • 1750410051
ბენიამინ ნეთანიაჰუ - თეირანში მყოფ ტირანებს სრულ საფასურს გადავახდევინებთ
თეირანში მყოფ ტირანებს სრულ საფასურს გადავახდევინებთ, - ამის შესახებ ისრაელის პრემიერ-მინისტრი, ბენიამინ ნეთანიაჰუ ირანის მიერ განხორციელებული სარაკეტო იერიშის შემდეგ სოციალურ ქსელში წერს.„დღეს დილით, ირანის ტერორისტმა ტირანებმა ბეერ-შევაში სოროკას საავადმყოფოსა და ცენტრალურ ისრაელში მშვიდობიანი მოსახლეობის მიმართულებით რაკეტები გაუშვეს. თეირანში მყოფ ტირანებს სრულ საფასურს გადავახდევინებთ“, - წერს ისრაელის პრემიერ-მინისტრი X-ზე.ისრაელის თავდაცვის ძალების ცნობით, დღეს დილით ირანმა ისრაელის მიმართულებით 30 რაკეტა გაუშვა.ირანული რაკეტები თელ-ავივში, რამათ-განსა და ხოლონში ჩამოვარდა. ასევე, ბალისტიკური რაკეტა სამხრეთ ისრაელის ქალაქ ბეერ-შევაში მდებარე სოროკას საავადმყოფოს მოხვდა.გავრცელებული ინფორმაციით, ირანის ბოლო სარაკეტო იერიშის შედეგად, სულ მცირე, 47 ადამიანი დაშავდა.
მსოფლიო • 1750319137
დროებითი საგამოძიებო კომისია პარლამენტს სამუშაო ვადის კიდევ ერთი თვით გაგრძელების მოთხოვნით მიმართავს
პარლამენტის დროებითი საგამოძიებო კომისია სამუშაო ვადის კიდევ ერთი თვით გაგრძელებას ითხოვს.როგორც კომისიის თავმჯდომარემ, თეა წულუკიანმა დღევანდელ სხდომაზე განაცხადა, კომისია 20 ან მაქსიმუმ 23 ივნისს მიმართავს ბიუროს იმისთვის, რომ პლენარული სხდომის დღის წესრიგში შეიტანოს საკითხი კომისიის უფლებამოსილების ერთი თვით გაგრძელების თაობაზე.სხდომაზე ვადის გაგრძელების შესახებ კომისიის თავმჯდომარის წინადადებას კენჭი უყარეს და მხარი დაუჭირეს.რაც შეეხება დასკვნას, როგორც თეა წულუკიანმა განმარტა, ის 4 აგვისტომდე დამტკიცდება.„კანონმდებლობით გვაქვს უფლება, რომ ვიმუშაოთ 6 თვე, მეტი არა, შეგვიძლია ვიმუშაოთ ნაკლები, მაგრამ არაუმეტეს 6 თვისა. ჩვენ უკვე მე-5 თვეა ვმუშაობთ ამ რეჟიმში და ჩვენი საქმიანობის ეს არის მხოლოდ ხილული ნაწილი. ის, რასაც საზოგადოება ვერ ხედავს, სამუშაო პროცესია და ამიტომ არ არის საჯარო, არის ადმინისტრაციულ პერსონალთან ყოველდღიური მუშაობა წერილების განხილვა და დასკვნის პროექტის წერა. ამიტომ, ჩვენ ვიფიქრეთ და დღეს კენჭისყრისთვის გთავაზობთ ასეთ საკითხს - ვითხოვოთ ბოლო, მე-6 თვით ჩვენი უფლებამოსილების გაგრძელება, მაგრამ ისიც ვილაპარაკეთ და საზოგადოებასაც უნდა ვუთხრათ, რომ ივლისის თვეში ამ ტიპის საჯარო სხდომები ვეღარ იქნება ხშირი იმიტომ, რომ ჩვენი მთელი რესურსი დასკვნის პროექტს უნდა დავუთმოთ. გარდა გამონაკლისის შემთხვევებისა, ჩვენ ასეთი სხდომა აღარ გვექნება, თუმცა ის სხდომები, რომელიც გულისხმობს სამი წევრის მიერ - კომისიის სამი წევრი ვიკრიბებით და ვატარებთ გამოკითხვებს, ასეთი ფორმატები ივლისში შესაძლოა გაგრძელდეს. გთავაზობთ იმასაც, რომ აგვისტოს პირველ დღეებში, სავარაუდოდ, 4 აგვისტოს, მაგრამ შეიძლება მანამდეც, არაუგვიანეს 4 აგვისტოსი, ჩვენ შევიკრიბოთ ამ დარბაზში და დავამტკიცოთ კომისიის დასკვნა, რომელიც შემდეგ სექტემბრის პირველ რიცხვებში წარედგინება საქართველოს პარლამენტის პლენარულ სხდომას.აი, ეს არის, რაც ვისაუბრეთ, რაც საზოგადოებისთვისაც უნდა იყოს ცნობილი და თუ არის კვლავ თქვენი თანხმობა, რომ ჩვენ უკვე ხვალ და მაქსიმუმ ორშაბათს მივმართოთ საქართველოს პარლამენტის ბიუროს პლენარული სხდომის დღის წესრიგში ჩვენი უფლებამოსილების ერთი თვის ვადით გაგრძელების თაობაზე საკითხის შეტანაზე“, - განაცხადა თეა წულუკიანმა.
პოლიტიკა • 1750319091
ისრაელის თავდაცვის ძალების განცხადებით, ირანში ნატანზის „ბირთვული იარაღის“ ობიექტს შეუტიეს
ისრაელის თავდაცვის ძალები აცხადებენ, რომ ირანში ნატანზის „ბირთვული იარაღის“ ობიექტს შეუტიეს. როგორც BBC ისრაელის თავდაცვის ძალებზე დაყრდნობით წერს, 18 ივნისს ღამით, საჰაერო ძალებმა ნატანზში მდებარე ობიექტს შეუტიეს, რომელიც, ბირთვული იარაღის შესაქმნელად გამოიყენება.„ობიექტზე განთავსებულია უნიკალური კომპონენტები და აღჭურვილობა, რომლებიც გამოიყენება ბირთვული იარაღის შესაქმნელად და იქ მუშავდება პროექტები, რომლებიც ბირთვული იარაღის პროგრამის დაჩქარებას უწყობს ხელს“, - აცხადებენ ისრაელის თავდაცვის ძალებში.ცნობისთვის, გასულ პარასკევს ისრაელმა ნატანზის მიწისქვეშა ობიექტზე, სადაც, სავარაუდოდ, ურანის გამდიდრება ხდებოდა, კიდევ ერთი ავიაიერიში განახორციელა, რის შედეგადაც ცენტრიფუგები, სავარაუდოდ, „მძიმედ დაზიანდა, ან მთლიანად განადგურდა“.
კონფლიქტები • 1750318998
პოლიტიკა
ეკონომიკა
1743660517
დონალდ ტრამპის მიერ გამოცხადებული ტარიფების ფარგლებში საქართველოს, აზერბაიჯანისა და სომხეთის მიმართ საბაზისო 10%-იანი ტარიფი იმოქმედებსაშშ-ის პრეზიდენტის დონალდ ტრამპის მიერ გამოცხადებული ტარიფების ფარგლებში საქართველოს, სომხეთისა და აზერბაიჯანის მიმართ საბაზისო 10%-იანი ტარიფი იმოქმედებს.დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა.ჩინეთზე 34%-იანი ტარიფი დაწესდება. ევროკავშირზე - 20%, ვიეტნამზე - 46%, ტაივანზე - 32%, იაპონიაზე - 24%, ინდოეთზე - 26%, სამხრეთ კორეაზე - 25%, ტაილანდზე - 36%, შვეიცარიაზე - 31%, ინდონეზიაზე - 32%, მალაიზიაზე - 24%, დიდ ბრიტანეთზე - 10%, ისრაელზე - 17%, სამხრეთ აფრიკაზე - 30%.
1743157077
ეროვნული ბანკი - ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა - ვმუშაობთ მყისიერი გადახდების სისტემის დანერგვის პროექტზეც, თუმცა არასაბარათე და საბარათე სქემები ერთმანეთის პარალელურად იმუშავებსგავრცელებული ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა, - ამის შესახებ განცხადებას ეროვნული ბანკი ავრცელებს.ამასთან, ეროვნული ბანკის განმარტებით, მსოფლიო ბანკთან ერთად მუშაობენ მყისიერი გადახდების სისტემის დანერგვის პროექტზეც, რა სისტემაც მოსახლეობისადა ბიზნესის წარმომადგენლებისთვის 2026 წლის მეორე ნახევრიდან იქნება ხელმისაწვდომი.როგორც სებ-ი აცხადებს, „აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში, ისევე როგორც მსოფლიოს წამყვან ქვეყნებში, იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“.„გვსურს გამოვეხმაუროთ სხვადასხვა მედიასაშუალებებში გავრცელებულ დეზინფორმაციას იმის შესახებ, რომ თითქოს საქართველოში საგადახდო სისტემების - VISA და MASTERCARD-ის საქმიანობის შეზღუდვა იგეგმება.პირველ რიგში, განვმარტავთ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს.საქართველოს ეროვნული ბანკის ერთ-ერთი ფუნქციაა, ხელი შეუწყოს საგადახდო სისტემის უსაფრთხო, მდგრად და ეფექტიან ფუნქციონირებას.ამ ფუნქციის შესასრულებლად, ეროვნული ბანკი მუდმივად ზრუნავს ქვეყნის საგადახდო სისტემის განვითარებისთვის, მისი ხელმისაწვდომობის, ეფექტიანობის, უსაფრთხოების გაუმჯობესებისთვის, ასევე ამ კუთხით კონკურენტული გარემოს შექმნისთვის. კერძოდ, ეროვნული ბანკი თავად ავითარებს საგადახდო ინფრასტრუქტურას, ამზადებს წინადადებებს საკანონმდებლო ცვლილებებისთვის, ასევე თანამშრომლობს მსოფლიოს წამყვან ტექნოლოგიურ კომპანიებთან, მათ შორისაა საერთაშორისო საბარათე სისტემები Visa და Mastercard.აღნიშნული კომპანიები 25 წელზე მეტია წარმოდგენილები არიან საქართველოში და უდიდესი წვლილი შეაქვთ ქვეყნის საგადახდო სფეროს განვითარებაში, რაც საქართველოში უნაღდო გადახდების ზრდის ერთ-ერთ მთავარი ხელშემწყობი იყო. Visa და Mastercard-თან თანამშრომლობის ფარგლებში პერიოდულად ინერგება ახალი პროდუქტები, მათ შორის ტრანს-სასაზღვრო გადარიცხვების საშუალებები.თუმცა ფინანსური ტექნოლოგიების განვითარებამ, საშუალება მისცა მსოფლიოს წამყვან ტრადიციულ საგადახდო სისტემებს გაეუმჯობესებინათ მათი ეფექტიანობა, კერძოდ, შეიქმნა ახალი თაობის სისტემა - მყისიერი გადახდების სისტემა, რომელიც დღეის მდგომარეობით უკვე 120-ზე მეტ ქვეყანაში დაინერგა. ეს სისტემები მუშაობენ ბარათების გამოყენების გარეშე და აქვთ შესაძლებლობა საბოლოო მომხმარებელს შესთავაზონ საბარათე გადახდების ანალოგიური გადახდის მეთოდი, გარკვეულ შემთხვევებში მეტი უპირატესობებით, როგორიცაა ოპერაციის განხორციელების ხარჯი და გადარიცხვის მიმღებისთვის თანხის დაუყოვნებელი ხელმისაწვდომობა.ეროვნულმა ბანკმა რამდენიმე წლის წინ, მსოფლიო ბანკთან ერთად, დაიწყო მყისიერი გადახდების სისტემის დანერგვის პროექტზე მუშაობა. აღნიშნული სისტემა 2026 წლის მეორე ნახევრიდან ხელმისაწვდომი იქნება უკვე ჩვენი მოსახლეობისთვის და ბიზნესის წარმომადგენლებისთვის. უფრო მეტიც, აღნიშნული სისტემა კიდევ უფრო მეტად განავითარებს, ე.წ. „ღია ბანკინგის“ მომსახურებებს, რომლებსაც საქართველოში სთავაზობენ ეროვნული ბანკის მიერ რეგისტრირებული ფინტექ კომპანიები საგადახდო მომსახურების პროვაიდერების სტატუსით. უნდა აღინიშნოს, რომ არასაბანკო საგადახდო მომსახურების პროვაიდერების ინსტიტუტის ჩამოყალიბება და „ღია ბანკინგის“ მომსახურების ხელშეწყობა, საქართველოს ევროკავშირთან ასოცირების ხელშეკრულების ერთ-ერთი მოთხოვნაა, რომელიც სრულად იყო შესრულებული 2022 წელს განხორციელებული საკანონმდებლო ცვლილებებით. მყისიერი გადახდებისა და ღია ბანკინგის მომსახურებების სინერგია საშუალებას მისცემს მომხმარებლებს და კერძო სუბიექტებს თავიანთ მოთხოვნებზე მორგებული და ხელმისაწვდომი მომსახურება მიიღონ. უნდა აღინიშნოს რომ საქართველოში საბარათე გადახდების საკმაოდ მაღალ დონეზე განვითარების მიუხედავად, კვლავ მცირე მეწარმეებისთვის ეს გადახდის მეთოდი არ არის ფართოდ ხელმისაწვდომი მისი მომსახურების მაღალი საკომისიოს გამო. სწორედ, მყისიერი გადახდების სისტემა ფინტექ კომპანიებთან კოლაბორაციით, გაზრდის ელექტრონული გადახდების ხელმისაწვდომობას იმ სექტორში, რომელიც დღეს ამ მომსახურებას მოკლებულია.დამატებით უნდა აღინიშნოს, ახალი საგადახდო სისტემა იმუშავებს საერთაშორისო სტანდარტის საფუძველზე და თავსებადია ევროს ერთიანი საგადახდო სივრცის (SEPA) სქემებთან, რაც საშუალებას მოგვცემს SEPA გეოგრაფიულ არეალში საქართველოს გაწევრიანების შემდეგ განვახორციელოთ ჩვენი ქვეყნის საგადახდო სისტემის ევროპულ საგადახდო სისტემასთან ინტეგრაცია.განვმარტავთ, რომ ზემოთ აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში ისევე როგორც მსოფლიოს წამყვან ქვეყნებში მუშაობს და კვლავაც იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“, - ნათქვამია ინფორმაციაში.
1742546067
„საქსტატი“ - 2024 წელს, რეალური მთლიანი შიდა პროდუქტის ზრდამ წინა წელთან შედარებით, 9.4 პროცენტი შეადგინასტატისტიკის ეროვნული სამსახურის ცნობით, 2024 წლის წინასწარი მონაცემებით, მთლიანი შიდა პროდუქტის მოცულობა მიმდინარე ფასებში 91 891.8 მლნ. ლარს გაუტოლდა, რაც წინა წლის შესაბამის მაჩვენებელს 13.6 პროცენტით აღემატება.როგორც „საქსტატის“ მიერ გავრცელებულ ინფორმაციაშია ნათქვამი, რეალური მთლიანი შიდა პროდუქტის ზრდამ 2024 წელს, წინა წელთან შედარებით, 9.4 პროცენტი შეადგინა.„მთლიანი შიდა პროდუქტის დეფლატორის პროცენტული ცვლილება 2024 წელს 3.8 პროცენტით განისაზღვრა.საბითუმო და საცალო ვაჭრობა; ავტომობილების და მოტოციკლების რემონტი (15.2 პროცენტი) და უძრავ ქონებასთან დაკავშირებული საქმიანობები (9.9 პროცენტი). შემდგომ პოზიციებს იკავებს დამამუშავებელი მრეწველობა (9.3 პროცენტი), მშენებლობა (8.4 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (7.0 პროცენტი), ინფორმაციისა და კომუნიკაცია (6.4 პროცენტი), სოფლის სატყეო და თევზის მეურნეობა (6.2 პროცენტი), ტრანსპორტი და დასაწყობება (5.9 პროცენტი), განათლება (5.7 პროცენტი), საფინანსო და სადაზღვევო საქმიანობები (5.2 პროცენტი).2024 წელს წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (24.3 პროცენტი), განათლება (29.1 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (17.9 პროცენტი), მშენებლობა (14.2 პროცენტი), საბითუმო და საცალო ვაჭრობა; ავტომობილების და მოტოციკლების რემონტი (6.7 პროცენტი), საფინანსო და სადაზღვევო საქმიანობები (14.9 პროცენტი).კლება აღინიშნა შემდეგ დარგში: ელექტროენერგიის, აირის, ორთქლის და კონდიცირებული ჰაერის მიწოდება (-8.3 პროცენტი)“,-აღნიშნულია საქსტატის მიერ გავრცელებულ ინფორმაციაში.
1740397827
ლევან დავითაშვილი - რიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა ზოგიერთი ოპონენტის მოქმედება რომ ნაკლებად უპასუხისმგებლო ყოფილიყო, კიდევ უფრო უკეთესი მდგომარეობა იქნებოდარიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა თუ ნაკლები იქნებოდა უპასუხისმგებლო მოღვაწეობა ზოგიერთი ოპონენტის და პოლიტიკური ჯგუფის, კიდევ უფრო უკეთესი მდგომარეობა იქნებოდა - მომავალშიც, მერწმუნეთ, შევინარჩუნებთ როგორც სტაბილურ ეკონომიკურ განვითარებას, ისე ზოგად პოლიტიკურ სტაბილურობას ქვეყანაში,- ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის ადმინისტრაციაში გამართულ პრესკონფერენციაზე განაცხადა.მან ასევე ისაუბრა ტურიზმის სექტორში არსებულ გამოწვევებზე და განაცხადა, რომ სხვადასხვა ტიპის გამოწვევაა, რაზეც სამუშაოა, მათ შორის ეს „მიწოდებისა და მოთხოვნის არც ისე შესაფერისი თანხვედრა“.„ტურიზმის ადმინისტრაცია მუშაობს და აკეთებს ანალიზს, რა გამოწვევები აქვს სექტორს. არის სხვადასხვა ტიპის გამოწვევა, რაზეც უნდა ვიმუშაოთ, მათ შორის ეს არის მიწოდების და მოთხოვნის არც ისე შესაფერისი თანხვედრამ როგორც შეიძლება რომ ვისურვოთ, იცით, რომ მიწოდება გაზრდილია. გაზრდილია ზოგიერთი ტიპის ტურისტულ პროდუქტზე, რომელზეც შეიძლება ნაკლები მოთხოვნაა და პირიქით - შეიძლება რაღაცაზე იყოს მეტი მოთხოვნა და ასეთი ტიპის მიწოდება არ არის. მათ შორის, საწოლი ადგილები გაზრდილია. Airbnb-ის კუთხით საქართველოში ძალიან აქტიურად გამოიყენება კერძო საკუთრება, აპარტამენტები, რომელიც კონკურენციას უწევს სასტუმროებს. კონკრეტულ შემთხვევაში შეიძლება კონკრეტულ სასტუმრო ობიექტებს ჰქონდეთ გარკვეული უკმაყოფილება, მაგრამ ამას თავისი ახსნა აქვს. ჩვენ ზოგადად ვმუშაობთ ქვეყნის ცნობადობაზე, ტურისტულ კამპანიებზე, მათ შორის კერძო სექტორთან მჭიდრო თანამშრომლობით ხდება გადაწყვეტილებების მიღება. თუ ერთეული ადამიანები თავის აზრს აფიქსირებენ, არ ნიშნავს, რომ ტურისტულ სექტორთან, როგორც დარგთან, კომუნიკაციის პრობლემა აქვს ტურიზმის ეროვნულ ადმინისტრაციას - არანაირად. მე თვითონ მოვიკითხე, რამდენიმე დღის წინაც გავიარეთ გეგმები მათ შორის მიმდინარე წლის და უფრო გრძელვადიანი. ტურიზმის ადმინისტრაციას აქვს საკმაოდ ადეკვატური გეგმები, მათ შორის ძალიან მნიშვნელოვანი იმ კუთხით, რომ ტურისტული პროდუქტი გაუმჯობესდეს, კანონმდებლობის შესაბამისად შემოვიდეს სტანდარტები, მართვის ახალი პრინციპები და ბევრი სხვა რამ, რაც ჩვენს სექტორს კიდევ უფრო კონკურენტუნარიანს გახდის. გრძელვადიანი მდგრადობა სხვანაირად, ფუნდამენტური რეფორმების გარეშე არ შეიძლება. გვესმის, რომ წარმატებები გვაქვს, გვაქვს გარკვეული მოკლევადიანი შედეგები, მაგრამ გრძელვადიანი სტაბილურობისთვის მნიშვნელოვანია უფრო მეტი ორიენტირება ხარისხზე“, - განაცხადა დავითაშვილმა.
1738067007
ლევან დავითაშვილი - 6 მლრდ დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება6 მილიარდი დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება, - ასე შეაფასა პირველმა ვიცე-პრემიერმა, ლევან დავითაშვილმა პრემიერ მინისტრის აბუ-დაბიში ვიზიტის ფარგლებში გაფორმებული შეთანხმება, საქართველოში 6 მილიარდი აშშ დოლარის ინვესტირების შესახებ.ეკონომიკისა და მდგრადი განვითარების მინისტრის თქმით, ასეთი მასშტაბის უცხოური პირდაპირი ინვესტიციები ჩვენს ქვეყანაში არ განხორციელებულა.მისივე განცხადებით, ეს არის არამხოლოდ ეკონომიკისთვის მნიშვნელოვანი რიცხვებში გამოხატული ხელშეწყობა, რაც ეკონომიკურ ზრდას მისცემს სტიმულს, არამედ მას მნიშვნელოვანი ეფექტი შეიძლება ჰქონდეს პირდაპირი უცხოური ინვესტიციების მოზიდვის თვალსაზრისით.როგორც ლევან დავითაშვილმა აღნიშნა, 6 მილიარდიანი ინვესტირების გადაწყვეტილება ისეთმა კომპანიამ მიიღო, რომლის საინვესტიციო პოლიტიკას ძალიან ბევრი დეველოპერი, საერთაშორისოდ წარმატებული კომპანია თვალს ადევნებს და მის გადაწყვეტილებას მიჰყვება.“ამას, რა თქმა უნდა, განაპირობებს ჩვენთან შექმნილი ხელსაყრელი, სტაბილური ეკონომიკური მდგომარეობა, ასევე საინვესტიციო კლიმატი და ბიზნესის კეთების გარემო. რა თქმა უნდა, ეს ყველაფერი იყო ამ საინვესტიციო გადაწყვეტილების მიღების მოტივატორი, თუმცა ასევე უნდა აღინიშნოს, რომ განსაკუთრებით მაღალ დონეზეა ორმხრივი თანამშრომლობა არაბთა გაერთიანებულ საამიროებთან პოლიტიკური, ეკონომიკური თუ ტურიზმის მიმართულებითაც“, - განაცხადა ლევან დავითაშვილმა.ამასთან, პირველმა ვიცე-პრემიერმა აღნიშნა, რომ არაბთა გაერთიანებული საამიროების ფედერალური მთავრობისა და თავად პრეზიდენტის უშუალო ჩართულობა იყო მნიშვნელოვანი იმისთვის, რომ კომპანიას აღნიშნული საინვესტიციო გადაწყვეტილება მიეღო.“პირდაპირ შეიძლება ითქვას, რომ ეს არ არის მხოლოდ კერძო ინვესტიცია. ამ შემთხვევაში, აბუ-დაბის მთავრობაც აქტიურად იქნება წარმოდგენილი, როგორც ინვესტორი.ამ ინვესტიციით, ვფიქრობ, ახალ ეტაპზე გადადის, ზოგადად, ამ ქვეყანასთან ორმხრივი თანამშრომლობა, ჩვენ ამისთვის ბევრი სამუშაო გავწიეთ. ერთ-ერთი პირველი ქვეყანა იყო საქართველო, რომელმაც ე.წ ყოვლისმომცველი ეკონომიკური თანამშრომლობის შეთანხმებას მიაღწია არაბთა გაერთიანებულ საამიროებთან - ეს შეთანხმება ოფიციალურად ძალაში შევიდა გასულ წელს, ამის ერთ-ერთი გაგრძელებაა ესეთი მნიშვნელოვანი ინვესტიციების განხორციელება საქართველოში, რომელიც არის ორ ქვეყანას შორის მჭიდრო ეკონომიკური თანამშრომლობის მხოლოდ დასაწყისი“, - განაცხადა ლევან დავითაშვილმა.
