1747459768 • კონფლიქტები
რადოსლავ სიკორსკი - პუტინმა გიგანტი გააღვიძა, მას ჯერ წარმოდგენა არ აქვს რამდენად ძვირად დაუჯდება ეს
პუტინმა გიგანტი გააღვიძა, მას ჯერ წარმოდგენა არ აქვს რამდენად ძვირად დაუჯდება ეს, - ამის შესახებ პოლონეთის საგარეო საქმეთა მინისტრი, რადოსლავ სიკორსკი X-ის საკუთარ გვერდზე წერს.
„პუტინმა გიგანტი გააღვიძა. მას ჯერ წარმოდგენა არ აქვს რამდენად ძვირად დაუჯდება ეს. ევროკავშირის ეკონომიკა 19 ტრილიონ დოლარს შეადგენს. დონალდ ტრამპის პირველი პრეზიდენტობის დასაწყისიდან, ევროპელმა მოკავშირეებმა, კანადასთან ერთად, თავდაცვაზე ხარჯები გააორმაგეს. ახლა კვლავ გავაკეთებთ ამას და უკეთ დავხარჯავთ, ვიდრე წარსულში. რუსეთის ეკონომიკა 2 ტრილიონ დოლარს შეადგენს. როგორც ევროპა, სამშვიდობო მიზნებზე 2.5-ჯერ მეტს გამოვყოფთ, ვიდრე რუსეთი გამოყოფს საომარ ძალისხმევებზე.
საკმარისია, რომ უბრალოდ უფრო ჭკვიანურად დავხარჯოთ ფული“, - წერს სიკორსკი.
თბილისსა და რეგიონებში დღეს საპროტესტო აქციები გაიმართება
თბილისსა და რეგიონებში დღეს საპროტესტო აქციებია დაგეგმილი.პროტესტის 171-ე დღეს, თბილისში, აქცია ორ ლოკაციაზე გაიმართება. კერძოდ, 19:00 საათზე აქცია მოეწყობა „საზოგადოებრივ მაუწყებელთან“, ხოლო 20:00 საათზე პარლამენტთან.რეგიონებში დაგეგმილი აქციების განრიგი ასეთია:გორი - მოქალაქეები 17:00 საათზე საკრებულოს წინ შეიკრიბებიან, ლოზუნგით: “გათავისუფლდნენ რეჟიმის ტყვეები და დაინიშნოს ხელახალი არჩევნები!”;ახალციხე - საპროტესტო აქცია 18:00 საათზე, შოთა რუსთაველის ძეგლთან გაიმართება;ბათუმი - 19:00 საათზე, საკონსტიტუციო სასამართლოსთან აქცია: “სამშობლოს სამსახურში!”;ზუგდიდი- 19:00 საათზე მოქალაქეები სამხარეო ადმინისტრაციის წინ შეიკრიბებიან ლოზუნგით: “ზუგდიდი რუსული რეჟიმის წინააღმდეგ”;თელავი - 19:00 საათზე აქცია მერიის წინ მოეწყობა;ქუთაისი - ასევე, 19:00 საათზე, მერიის წინ გაიმართება საპროტესტო აქცია: “კი ევროპას, არა რუსეთს!”;ჩხოროწყუ - მერიის წინ, 20:00 საათზე აქციის მონაწილეები შეიკრიბებიან ლოზუნგით: “გაბედე პროტესტი ყოველდღე!”.
პოლიტიკა • 1747466644
ჯო უილსონი - სირიის საგარეო საქმეთა მინისტრს ვთხოვე, რომ ასადის რეჟიმის არასწორი გადაწყვეტილება გააუქმოს და აფხაზეთი და სამხრეთ ოსეთი საქართველოს სუვერენულ ტერიტორიებად აღიაროს
სირიის საგარეო საქმეთა მინისტრს ვთხოვე, რომ ასადის რეჟიმის არასწორი გადაწყვეტილება გააუქმოს და აფხაზეთი და სამხრეთ ოსეთი საქართველოს სუვერენულ ტერიტორიებად აღიაროს, - ამის შესახებ ჰელსინკის კომისიის თანათავმჯდომარე, კონგრესმენი ჯო უილსონი (რესპუბლიკური პარტია) სოციალურ პლატფორმა X-ზე წერს.„მოხარული ვარ, რომ თებერვალში სირიის საგარეო საქმეთა მინისტრს, ასად ალ-შიბანის თხოვნით მივმართე, რომ ასადის რეჟიმის არასწორი გადაწყვეტილება გააუქმოს და აფხაზეთი და სამხრეთ ოსეთი საქართველოს სუვერენულ ტერიტორიებად აღიაროს. ეს მარტივი ნაბიჯი სირიის ახალი გზის მიმართ სიძლიერისა და ერთგულების დემონსტრირება იქნება“, - წერს ჯო უილსონი.ცნობისთვის, სირიამ, ყოფილი პრეზიდენტის, ბაშარ ალ-ასადის მმართველობის პერიოდში საქართველოს ოკუპირებული რეგიონების, აფხაზეთისა და ცხინვალის ე.წ. დამოუკიდებლობა 2018 წლის 29 მაისს „აღიარა“.
პოლიტიკა • 1747466604
ირაკლი კობახიძე - როგორც ჩანს, მოსწყურდათ ჩვენს ევროპელ პარტნიორებს საქართველოსთან ურთიერთობა - ყველა აცნობიერებს, რომ საჭიროა საუბარი, ალბათ ამის გამოხატულებაა, რომ ხშირად ინიციატივები მოდიოდა სწორედ ევროპელი ლიდერების მხრიდან
ყველა აცნობიერებს იმას, რომ საჭიროა საუბარი საქართველოსთან, საქართველოს ხელისუფლების ლიდერებთან და ალბათ ამის გამოხატულებაა ის, რომ ხშირად ინიციატივები მოდიოდა სწორედ ევროპელი ლიდერების მხრიდან, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ალბანეთში განუცხადა, სადაც ევროპული პოლიტიკური გაერთიანების მე-6 სამიტში მონაწილეობს.პრემიერის თქმით, ყველამ უნდა გააცნობიეროს, რომ საქართველოს აქვს ძალიან მნიშვნელოვანი როლი ევროპისთვის და კონკრეტულად ევროკავშირისთვის.„იყო გარკვეული შეზღუდვა კომუნიკაციაში, როგორც ჩანს, მოსწყურდათ ჩვენს ევროპელ პარტნიორებს საქართველოსთან ურთიერთობა. ყველამ უნდა გააცნობიეროს, რომ საქართველოს აქვს ძალიან მნიშვნელოვანი როლი ევროპისთვის, კონკრეტულად ევროკავშირისთვის. რეგიონში ჩვენი როლი არის ძალიან მნიშვნელოვანი. საბოლოო ჯამში, ყველა აცნობიერებს იმას, რომ საჭიროა საუბარი საქართველოსთან, საქართველოს ხელისუფლების ლიდერებთან და ალბათ ამის გამოხატულებაა ის, რომ ხშირად ინიციატივები მოდიოდა სწორედ ევროპელი ლიდერების მხრიდან", - განაცხადა პრემიერმა.ამასთან, კობახიძის თქმით, ის მრგვალი მაგიდის ფორმატში სიტყვით გამოვიდა და სხვადასხვა თემაზე ისაუბრა, მათ შორის უკრაინის ომსა და ევროპის განვითარების პერსპექტივაზე საქართველოს გადმოსახედიდან.„სამიტი ძალიან მნიშვნელოვანია გამომდინარე იქიდან, რომ აქ გვაქვს მოსაზრებების გაცვლის საშუალება, ერთმანეთთან საუბრის საშუალება. ჩვენ მოვისმინეთ ევროპელი ლიდერების მოსაზრებები სხვადასხვა საკითხთან დაკავშირებით და, ასევე, მე მქონდა ოცდაათამდე ლიდერთან გასაუბრების საშუალება.რა თქმა უნდა, ყოველთვის ვეხებით იმ თემებს, რომლებიც არის მნიშვნელოვანი ჩვენი ქვეყნისთვის, ჩვენი ქვეყნის შემდგომი განვითარებისთვის და საქართველოს თანამშრომლობისთვის ჩვენს ევროპელ პარტნიორებთან - ყველა ამ თემას შევეხეთ. ასევე, მრგვალი მაგიდის ფორმატში გვქონდა გამოსვლის საშუალება, სიტყვით გამოვედი სხვადასხვა თემაზე, ვისაუბრე ევროპის განვითარების პერსპექტივებზე საქართველოს გადმოსახედიდან, ასევე საუბარი მქონდა უკრაინის ომთან დაკავშირებით ჩვენს შეხედულებებზე და საქართველოს მიმართ დამოკიდებულებაზე. რა თქმა უნდა, ხაზი გავუსვით იმას, რომ არის გარკვეული მნიშვნელოვანი უსამართლობა საქართველოს მიმართ, რაც უნდა შეიცვალოს.ბუნებრივია, პრეზიდენტ მაკრონთანაც, როგორც სხვა ლიდერებთან, მქონდა საუბარი იმ თემებზე, რაც შეეხება კონკრეტულად საქართველოს განვითარებას, ევროპულ პერსპექტივას, რეგიონში ჩვენს როლს და ა.შ.გამომდინარე იქიდან, რომ ეს არის უშუალო საუბრები, ჩვენ არ გვაქვს გასაჯაროების უფლება, მაგრამ, რა თქმა უნდა, ზოგადად, შემიძლია გითხრათ, საქმე ეხებოდა საქართველოს ინტერესებთან დაკავშირებით ჩვენი გზავნილების გაზიარებას. ეს შეეხება როგორც პრეზიდენტ მაკრონს, ასევე რობერტა მეცოლასა და სხვა პოლიტიკურ ლიდერებს“, - განაცხადა კობახიძემ.
პოლიტიკა • 1747459813
ჯორჯ და ამალ კლუნების „ფონდი სამართლიანობისთვის“ - მზია ამაღლობელის საქმე საქართველოში მედიის თავისუფლებისადმი საფრთხეების შეხსენებაა - მსოფლიო აკვირდება
მზია ამაღლობელის საქმე საქართველოში მედიის თავისუფლებისადმი საფრთხეების შეხსენებაა. მსოფლიო აკვირდება, - ამის შესახებ განცხადებას ჯორჯ და ამალ კლუნების „ფონდი სამართლიანობისთვის“ ავრცელებს.„ქართველმა ჟურნალისტმა მზია ამაღლობელმა მიმდინარე კვირას საკუთარი დაბადების დღე გისოსებს მიღმა გაატარა.მის ბოლო სასამართლო სხდომაზე: სასამართლომ დაცვის მხარის ჩვენება დაბლოკა, რომლებიც ბრალდებების პოლიტიკურ მოტივირებულობაზე საუბრობდნენ.პროკურორებმა სადავო წარსული ბრალდებები გამოიყენეს, რათა ის „განმეორებით დამნაშავედ“ შეერაცხათ.პოლიცია ამტკიცებდა, რომ მათი მხრიდან დემონსტრანტების წინააღმდეგ აგრესია არ იყო.მზიას საქმე საქართველოში მედიის თავისუფლებისადმი საფრთხეების შეხსენებაა. მსოფლიო აკვირდება“, - ნათქვამია განცხადებაში.
სამართალი • 1747459738
დავით ნარმანიამ საჯარო სკოლის მოსწავლეებს ენერგეტიკისა და ეკონომიკის საფუძვლები გააცნო
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, პროფესორი დავით ნარმანია ქ. თბილისის N98-ე საჯარო სკოლის მოსწავლეებს შეხვდა. შეხვედრის ფარგლებში, რომელიც ეხებოდა პროფორიენტაციისა და კარიერის დაგეგმვის ხელშეწყობას, სემეკის თავმჯდომარემ მოსწავლეებს ეკონომიკისა და ენერგეტიკის საფუძვლები გააცნო, ამასთანავე, განუმარტა ქვეყნის ეკონომიკისთვის ენერგეტიკის სექტორის მუდმივი განვითარების მნიშვნელობა, მიაწოდა ინფორმაცია განახლებადი ენერგიების წყაროების, საქართველოს, როგორც ენერგეტიკული ჰაბის, ევროკავშირთან ნაკისრი ვალდებულებებისა და ენერგეტიკული ბიზნესის მართვის შესახებ. დავით ნარმანიას თქმით, სკოლის მოსწავლეების ინფორმირება და მათი ცოდნის დონის ამაღლება ეკონომიკისა და ენერგეტიკის საკითხებზე, ერთ-ერთი პრიორიტეტული მიმართულებაა როგორც სემეკისთვის, ასევე ენერგეტიკის სასწავლო ცენტრისთვის. „ენერგეტიკა წარმოადგენს ეკონომიკის მამოძრავებელ უმნიშვნელოვანეს დარგს, აქედან გამომდინარე, სემეკისა და ენერგეტიკის სასწავლო ცენტრის მიზანია, სკოლის მოსწავლეები მეტად იყვნენ ინფორმირებულნი ეკონომიკის საფუძვლების, ენერგეტიკის სექტორის პერსპექტივების შესახებ, რაც მათ დაეხმარებათ შემდგომ ეტაპზე პროფესიის არჩევისას. დღემდე, სემეკის ინიციატივით არაერთი პროექტი განხორციელდა სკოლის მოსწავლეებისათვის და ინფორმაციის დროულმა მიწოდებამ განაპირობა ის, რომ პროექტის მონაწილეთა გარკვეულმა ნაწილმა მომავლის პროფესიად ენერგეტიკა აირჩია, რაც მისასალმებელი და სასიხარულოა“, - აღნიშნა სემეკის თავმჯდომარემ. სემეკისა და ენერგეტიკის სასწავლო ცენტრის ინიციატივით სკოლის მოსწავლეებისათვის სხვადასხვა პროექტი ხორციელდება. პროექტების ფარგლებში მოსწავლეები ეცნობიან განახლებადი ენერგიებისა და ენერგოეფექტურობის საკითხებს, ეკონომიკის საფუძვლებს, ენერგეტიკული ბიზნესის მათვისა და საქართველოს ენერგეტიკის სექტორის განვითარების პერსპექტივებს.
საზოგადოება • 1747394373
პროკურატურამ „კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის, „ქურდული სამყაროს“ წევრის და „კანონიერ ქურდისთვის“ მიმართვის ფაქტებზე 11 პირს ბრალდება წარუდგინა
საქართველოს პროკურატურამ „კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის, „ქურდული სამყაროს“ წევრის და „კანონიერ ქურდისთვის“ მიმართვის ფაქტებზე 11 პირს ბრალდება წარუდგინა. ინფორმაციას პროკურატურის პრესსამსახური ავრცელებს.მათივე ცნობით, შინაგან საქმეთა სამინისტროში, ჩატარებული გამოძიებით დადგინდა, რომ ფინანსური დავის ,,ქურდული გარჩევის“ გზით გადაწყვეტის მიზნით, მოდავე მხარეებმა „ქურდული სამყაროს“ წევრებს და ,,კანონიერ ქურდს“ მიმართეს, რომლებმაც არაერთი ,,ქურდული გარჩევა“ მოაწყვეს და ერთ-ერთ მხარეს თანხის გადახდა მოსთხოვეს.„გამოძიებით ასევე დადგინდა, რომ საზღვარგარეთ მყოფმა ,,კანონიერმა ქურდმა“ მის მიერ მართულ „ქურდული სამყაროს“ წევრსა და მხარდამჭერებს დაავალა მოდავე მხარეებთან მოეწყოთ „ქურდული გარჩევები“. „ქურდული სამყაროს“ წევრები, მათი მხარდამჭერების მეშვეობით დაუკავშირდნენ მოდავე მხარეებს და მოაწყვეს „ქურდული გარჩევები“.2 პირს ბრალდება სისხლის სამართლის კოდექსის 223 პრიმა მუხლის პირველი ნაწილით („კანონიერი ქურდობა“) დაუსწრებლად წარედგინა, რაც სასჯელის სახედ და ზომად 15 წლამდე თავისუფლების აღკვეთას ითვალისწინებს, 3 პირს ბრალდება 223 პრიმა მუხლის პირველი ნაწილით („ქურდული სამყაროს“ წევრობა) წარედგინა, რაც 10 წლამდე თავისუფლების აღკვეთას ითვალისწინებს, 2 პირს კი ბრალდება 223 ტერცია მუხლის მეორე ნაწილით („ქურდული სამყაროს“ საქმიანობის მხარდაჭერა) წარედგინა, (მათგან 1 პირს დაუსწრებლად), რაც სასჯელის ზომად 6 წლამდე თავისუფლების აღკვეთას ითვალისწინებს, ხოლო 4 პირს ბრალდება 223 კვარტა მუხლის პირველი ნაწილით („ქურდული სამყაროს“ წევრის და „კანონიერ ქურდისთვის“ მიმართვა), რაც სასჯელად 7 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულებს აღკვეთის ღონისძიების სახით პატიმრობა უკვე შეუფარდა. სისხლის სამართლის საქმეებზე გამოძიება გრძელდება“, - აღნიშნულია ინფორმაციაში.
სამართალი • 1747392020
რადოსლავ სიკორსკი - პუტინმა გიგანტი გააღვიძა, მას ჯერ წარმოდგენა არ აქვს რამდენად ძვირად დაუჯდება ეს
1743660517
დონალდ ტრამპის მიერ გამოცხადებული ტარიფების ფარგლებში საქართველოს, აზერბაიჯანისა და სომხეთის მიმართ საბაზისო 10%-იანი ტარიფი იმოქმედებსაშშ-ის პრეზიდენტის დონალდ ტრამპის მიერ გამოცხადებული ტარიფების ფარგლებში საქართველოს, სომხეთისა და აზერბაიჯანის მიმართ საბაზისო 10%-იანი ტარიფი იმოქმედებს.დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა.ჩინეთზე 34%-იანი ტარიფი დაწესდება. ევროკავშირზე - 20%, ვიეტნამზე - 46%, ტაივანზე - 32%, იაპონიაზე - 24%, ინდოეთზე - 26%, სამხრეთ კორეაზე - 25%, ტაილანდზე - 36%, შვეიცარიაზე - 31%, ინდონეზიაზე - 32%, მალაიზიაზე - 24%, დიდ ბრიტანეთზე - 10%, ისრაელზე - 17%, სამხრეთ აფრიკაზე - 30%.
1743157077
ეროვნული ბანკი - ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა - ვმუშაობთ მყისიერი გადახდების სისტემის დანერგვის პროექტზეც, თუმცა არასაბარათე და საბარათე სქემები ერთმანეთის პარალელურად იმუშავებსგავრცელებული ინფორმაცია, თითქოს Visa და Mastercard-ის საქმიანობის შეზღუდვა იგეგმება, დეზინფორმაციაა, - ამის შესახებ განცხადებას ეროვნული ბანკი ავრცელებს.ამასთან, ეროვნული ბანკის განმარტებით, მსოფლიო ბანკთან ერთად მუშაობენ მყისიერი გადახდების სისტემის დანერგვის პროექტზეც, რა სისტემაც მოსახლეობისადა ბიზნესის წარმომადგენლებისთვის 2026 წლის მეორე ნახევრიდან იქნება ხელმისაწვდომი.როგორც სებ-ი აცხადებს, „აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში, ისევე როგორც მსოფლიოს წამყვან ქვეყნებში, იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“.„გვსურს გამოვეხმაუროთ სხვადასხვა მედიასაშუალებებში გავრცელებულ დეზინფორმაციას იმის შესახებ, რომ თითქოს საქართველოში საგადახდო სისტემების - VISA და MASTERCARD-ის საქმიანობის შეზღუდვა იგეგმება.პირველ რიგში, განვმარტავთ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს.საქართველოს ეროვნული ბანკის ერთ-ერთი ფუნქციაა, ხელი შეუწყოს საგადახდო სისტემის უსაფრთხო, მდგრად და ეფექტიან ფუნქციონირებას.ამ ფუნქციის შესასრულებლად, ეროვნული ბანკი მუდმივად ზრუნავს ქვეყნის საგადახდო სისტემის განვითარებისთვის, მისი ხელმისაწვდომობის, ეფექტიანობის, უსაფრთხოების გაუმჯობესებისთვის, ასევე ამ კუთხით კონკურენტული გარემოს შექმნისთვის. კერძოდ, ეროვნული ბანკი თავად ავითარებს საგადახდო ინფრასტრუქტურას, ამზადებს წინადადებებს საკანონმდებლო ცვლილებებისთვის, ასევე თანამშრომლობს მსოფლიოს წამყვან ტექნოლოგიურ კომპანიებთან, მათ შორისაა საერთაშორისო საბარათე სისტემები Visa და Mastercard.აღნიშნული კომპანიები 25 წელზე მეტია წარმოდგენილები არიან საქართველოში და უდიდესი წვლილი შეაქვთ ქვეყნის საგადახდო სფეროს განვითარებაში, რაც საქართველოში უნაღდო გადახდების ზრდის ერთ-ერთ მთავარი ხელშემწყობი იყო. Visa და Mastercard-თან თანამშრომლობის ფარგლებში პერიოდულად ინერგება ახალი პროდუქტები, მათ შორის ტრანს-სასაზღვრო გადარიცხვების საშუალებები.თუმცა ფინანსური ტექნოლოგიების განვითარებამ, საშუალება მისცა მსოფლიოს წამყვან ტრადიციულ საგადახდო სისტემებს გაეუმჯობესებინათ მათი ეფექტიანობა, კერძოდ, შეიქმნა ახალი თაობის სისტემა - მყისიერი გადახდების სისტემა, რომელიც დღეის მდგომარეობით უკვე 120-ზე მეტ ქვეყანაში დაინერგა. ეს სისტემები მუშაობენ ბარათების გამოყენების გარეშე და აქვთ შესაძლებლობა საბოლოო მომხმარებელს შესთავაზონ საბარათე გადახდების ანალოგიური გადახდის მეთოდი, გარკვეულ შემთხვევებში მეტი უპირატესობებით, როგორიცაა ოპერაციის განხორციელების ხარჯი და გადარიცხვის მიმღებისთვის თანხის დაუყოვნებელი ხელმისაწვდომობა.ეროვნულმა ბანკმა რამდენიმე წლის წინ, მსოფლიო ბანკთან ერთად, დაიწყო მყისიერი გადახდების სისტემის დანერგვის პროექტზე მუშაობა. აღნიშნული სისტემა 2026 წლის მეორე ნახევრიდან ხელმისაწვდომი იქნება უკვე ჩვენი მოსახლეობისთვის და ბიზნესის წარმომადგენლებისთვის. უფრო მეტიც, აღნიშნული სისტემა კიდევ უფრო მეტად განავითარებს, ე.წ. „ღია ბანკინგის“ მომსახურებებს, რომლებსაც საქართველოში სთავაზობენ ეროვნული ბანკის მიერ რეგისტრირებული ფინტექ კომპანიები საგადახდო მომსახურების პროვაიდერების სტატუსით. უნდა აღინიშნოს, რომ არასაბანკო საგადახდო მომსახურების პროვაიდერების ინსტიტუტის ჩამოყალიბება და „ღია ბანკინგის“ მომსახურების ხელშეწყობა, საქართველოს ევროკავშირთან ასოცირების ხელშეკრულების ერთ-ერთი მოთხოვნაა, რომელიც სრულად იყო შესრულებული 2022 წელს განხორციელებული საკანონმდებლო ცვლილებებით. მყისიერი გადახდებისა და ღია ბანკინგის მომსახურებების სინერგია საშუალებას მისცემს მომხმარებლებს და კერძო სუბიექტებს თავიანთ მოთხოვნებზე მორგებული და ხელმისაწვდომი მომსახურება მიიღონ. უნდა აღინიშნოს რომ საქართველოში საბარათე გადახდების საკმაოდ მაღალ დონეზე განვითარების მიუხედავად, კვლავ მცირე მეწარმეებისთვის ეს გადახდის მეთოდი არ არის ფართოდ ხელმისაწვდომი მისი მომსახურების მაღალი საკომისიოს გამო. სწორედ, მყისიერი გადახდების სისტემა ფინტექ კომპანიებთან კოლაბორაციით, გაზრდის ელექტრონული გადახდების ხელმისაწვდომობას იმ სექტორში, რომელიც დღეს ამ მომსახურებას მოკლებულია.დამატებით უნდა აღინიშნოს, ახალი საგადახდო სისტემა იმუშავებს საერთაშორისო სტანდარტის საფუძველზე და თავსებადია ევროს ერთიანი საგადახდო სივრცის (SEPA) სქემებთან, რაც საშუალებას მოგვცემს SEPA გეოგრაფიულ არეალში საქართველოს გაწევრიანების შემდეგ განვახორციელოთ ჩვენი ქვეყნის საგადახდო სისტემის ევროპულ საგადახდო სისტემასთან ინტეგრაცია.განვმარტავთ, რომ ზემოთ აღნიშნული არასაბარათე და ტრადიციული საბარათე (VISA, Master Card, American Express) საგადახდო სქემები საქართველოში ისევე როგორც მსოფლიოს წამყვან ქვეყნებში მუშაობს და კვლავაც იმუშავებს ერთმანეთის პარალელურად, რაც შექმნის საგადახდო სფეროში მეტ კონკურენციას და უზრუნველყოფს მოსმახურების ფართო არჩევანს მომხმარებლისთვის“, - ნათქვამია ინფორმაციაში.
1742546067
„საქსტატი“ - 2024 წელს, რეალური მთლიანი შიდა პროდუქტის ზრდამ წინა წელთან შედარებით, 9.4 პროცენტი შეადგინასტატისტიკის ეროვნული სამსახურის ცნობით, 2024 წლის წინასწარი მონაცემებით, მთლიანი შიდა პროდუქტის მოცულობა მიმდინარე ფასებში 91 891.8 მლნ. ლარს გაუტოლდა, რაც წინა წლის შესაბამის მაჩვენებელს 13.6 პროცენტით აღემატება.როგორც „საქსტატის“ მიერ გავრცელებულ ინფორმაციაშია ნათქვამი, რეალური მთლიანი შიდა პროდუქტის ზრდამ 2024 წელს, წინა წელთან შედარებით, 9.4 პროცენტი შეადგინა.„მთლიანი შიდა პროდუქტის დეფლატორის პროცენტული ცვლილება 2024 წელს 3.8 პროცენტით განისაზღვრა.საბითუმო და საცალო ვაჭრობა; ავტომობილების და მოტოციკლების რემონტი (15.2 პროცენტი) და უძრავ ქონებასთან დაკავშირებული საქმიანობები (9.9 პროცენტი). შემდგომ პოზიციებს იკავებს დამამუშავებელი მრეწველობა (9.3 პროცენტი), მშენებლობა (8.4 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (7.0 პროცენტი), ინფორმაციისა და კომუნიკაცია (6.4 პროცენტი), სოფლის სატყეო და თევზის მეურნეობა (6.2 პროცენტი), ტრანსპორტი და დასაწყობება (5.9 პროცენტი), განათლება (5.7 პროცენტი), საფინანსო და სადაზღვევო საქმიანობები (5.2 პროცენტი).2024 წელს წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (24.3 პროცენტი), განათლება (29.1 პროცენტი), სახელმწიფო მმართველობა და თავდაცვა; სავალდებულო სოციალური უსაფრთხოება (17.9 პროცენტი), მშენებლობა (14.2 პროცენტი), საბითუმო და საცალო ვაჭრობა; ავტომობილების და მოტოციკლების რემონტი (6.7 პროცენტი), საფინანსო და სადაზღვევო საქმიანობები (14.9 პროცენტი).კლება აღინიშნა შემდეგ დარგში: ელექტროენერგიის, აირის, ორთქლის და კონდიცირებული ჰაერის მიწოდება (-8.3 პროცენტი)“,-აღნიშნულია საქსტატის მიერ გავრცელებულ ინფორმაციაში.
1740397827
ლევან დავითაშვილი - რიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა ზოგიერთი ოპონენტის მოქმედება რომ ნაკლებად უპასუხისმგებლო ყოფილიყო, კიდევ უფრო უკეთესი მდგომარეობა იქნებოდარიცხვებში ვაჩვენეთ, რომ ჩვენმა ეკონომიკამ გამოიჩინა მდგრადობა პოლიტიკური პროცესების მიმართ, თუმცა თუ ნაკლები იქნებოდა უპასუხისმგებლო მოღვაწეობა ზოგიერთი ოპონენტის და პოლიტიკური ჯგუფის, კიდევ უფრო უკეთესი მდგომარეობა იქნებოდა - მომავალშიც, მერწმუნეთ, შევინარჩუნებთ როგორც სტაბილურ ეკონომიკურ განვითარებას, ისე ზოგად პოლიტიკურ სტაბილურობას ქვეყანაში,- ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის ადმინისტრაციაში გამართულ პრესკონფერენციაზე განაცხადა.მან ასევე ისაუბრა ტურიზმის სექტორში არსებულ გამოწვევებზე და განაცხადა, რომ სხვადასხვა ტიპის გამოწვევაა, რაზეც სამუშაოა, მათ შორის ეს „მიწოდებისა და მოთხოვნის არც ისე შესაფერისი თანხვედრა“.„ტურიზმის ადმინისტრაცია მუშაობს და აკეთებს ანალიზს, რა გამოწვევები აქვს სექტორს. არის სხვადასხვა ტიპის გამოწვევა, რაზეც უნდა ვიმუშაოთ, მათ შორის ეს არის მიწოდების და მოთხოვნის არც ისე შესაფერისი თანხვედრამ როგორც შეიძლება რომ ვისურვოთ, იცით, რომ მიწოდება გაზრდილია. გაზრდილია ზოგიერთი ტიპის ტურისტულ პროდუქტზე, რომელზეც შეიძლება ნაკლები მოთხოვნაა და პირიქით - შეიძლება რაღაცაზე იყოს მეტი მოთხოვნა და ასეთი ტიპის მიწოდება არ არის. მათ შორის, საწოლი ადგილები გაზრდილია. Airbnb-ის კუთხით საქართველოში ძალიან აქტიურად გამოიყენება კერძო საკუთრება, აპარტამენტები, რომელიც კონკურენციას უწევს სასტუმროებს. კონკრეტულ შემთხვევაში შეიძლება კონკრეტულ სასტუმრო ობიექტებს ჰქონდეთ გარკვეული უკმაყოფილება, მაგრამ ამას თავისი ახსნა აქვს. ჩვენ ზოგადად ვმუშაობთ ქვეყნის ცნობადობაზე, ტურისტულ კამპანიებზე, მათ შორის კერძო სექტორთან მჭიდრო თანამშრომლობით ხდება გადაწყვეტილებების მიღება. თუ ერთეული ადამიანები თავის აზრს აფიქსირებენ, არ ნიშნავს, რომ ტურისტულ სექტორთან, როგორც დარგთან, კომუნიკაციის პრობლემა აქვს ტურიზმის ეროვნულ ადმინისტრაციას - არანაირად. მე თვითონ მოვიკითხე, რამდენიმე დღის წინაც გავიარეთ გეგმები მათ შორის მიმდინარე წლის და უფრო გრძელვადიანი. ტურიზმის ადმინისტრაციას აქვს საკმაოდ ადეკვატური გეგმები, მათ შორის ძალიან მნიშვნელოვანი იმ კუთხით, რომ ტურისტული პროდუქტი გაუმჯობესდეს, კანონმდებლობის შესაბამისად შემოვიდეს სტანდარტები, მართვის ახალი პრინციპები და ბევრი სხვა რამ, რაც ჩვენს სექტორს კიდევ უფრო კონკურენტუნარიანს გახდის. გრძელვადიანი მდგრადობა სხვანაირად, ფუნდამენტური რეფორმების გარეშე არ შეიძლება. გვესმის, რომ წარმატებები გვაქვს, გვაქვს გარკვეული მოკლევადიანი შედეგები, მაგრამ გრძელვადიანი სტაბილურობისთვის მნიშვნელოვანია უფრო მეტი ორიენტირება ხარისხზე“, - განაცხადა დავითაშვილმა.
1738067007
ლევან დავითაშვილი - 6 მლრდ დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება6 მილიარდი დოლარის პირდაპირი უცხოური ინვესტიციის საქართველოში განხორციელების გადაწყვეტილება ადასტურებს, რომ ქვეყანა საინვესტიციო რუკაზე კიდევ უფრო მიმზიდველი ადგილი ხდება, - ასე შეაფასა პირველმა ვიცე-პრემიერმა, ლევან დავითაშვილმა პრემიერ მინისტრის აბუ-დაბიში ვიზიტის ფარგლებში გაფორმებული შეთანხმება, საქართველოში 6 მილიარდი აშშ დოლარის ინვესტირების შესახებ.ეკონომიკისა და მდგრადი განვითარების მინისტრის თქმით, ასეთი მასშტაბის უცხოური პირდაპირი ინვესტიციები ჩვენს ქვეყანაში არ განხორციელებულა.მისივე განცხადებით, ეს არის არამხოლოდ ეკონომიკისთვის მნიშვნელოვანი რიცხვებში გამოხატული ხელშეწყობა, რაც ეკონომიკურ ზრდას მისცემს სტიმულს, არამედ მას მნიშვნელოვანი ეფექტი შეიძლება ჰქონდეს პირდაპირი უცხოური ინვესტიციების მოზიდვის თვალსაზრისით.როგორც ლევან დავითაშვილმა აღნიშნა, 6 მილიარდიანი ინვესტირების გადაწყვეტილება ისეთმა კომპანიამ მიიღო, რომლის საინვესტიციო პოლიტიკას ძალიან ბევრი დეველოპერი, საერთაშორისოდ წარმატებული კომპანია თვალს ადევნებს და მის გადაწყვეტილებას მიჰყვება.“ამას, რა თქმა უნდა, განაპირობებს ჩვენთან შექმნილი ხელსაყრელი, სტაბილური ეკონომიკური მდგომარეობა, ასევე საინვესტიციო კლიმატი და ბიზნესის კეთების გარემო. რა თქმა უნდა, ეს ყველაფერი იყო ამ საინვესტიციო გადაწყვეტილების მიღების მოტივატორი, თუმცა ასევე უნდა აღინიშნოს, რომ განსაკუთრებით მაღალ დონეზეა ორმხრივი თანამშრომლობა არაბთა გაერთიანებულ საამიროებთან პოლიტიკური, ეკონომიკური თუ ტურიზმის მიმართულებითაც“, - განაცხადა ლევან დავითაშვილმა.ამასთან, პირველმა ვიცე-პრემიერმა აღნიშნა, რომ არაბთა გაერთიანებული საამიროების ფედერალური მთავრობისა და თავად პრეზიდენტის უშუალო ჩართულობა იყო მნიშვნელოვანი იმისთვის, რომ კომპანიას აღნიშნული საინვესტიციო გადაწყვეტილება მიეღო.“პირდაპირ შეიძლება ითქვას, რომ ეს არ არის მხოლოდ კერძო ინვესტიცია. ამ შემთხვევაში, აბუ-დაბის მთავრობაც აქტიურად იქნება წარმოდგენილი, როგორც ინვესტორი.ამ ინვესტიციით, ვფიქრობ, ახალ ეტაპზე გადადის, ზოგადად, ამ ქვეყანასთან ორმხრივი თანამშრომლობა, ჩვენ ამისთვის ბევრი სამუშაო გავწიეთ. ერთ-ერთი პირველი ქვეყანა იყო საქართველო, რომელმაც ე.წ ყოვლისმომცველი ეკონომიკური თანამშრომლობის შეთანხმებას მიაღწია არაბთა გაერთიანებულ საამიროებთან - ეს შეთანხმება ოფიციალურად ძალაში შევიდა გასულ წელს, ამის ერთ-ერთი გაგრძელებაა ესეთი მნიშვნელოვანი ინვესტიციების განხორციელება საქართველოში, რომელიც არის ორ ქვეყანას შორის მჭიდრო ეკონომიკური თანამშრომლობის მხოლოდ დასაწყისი“, - განაცხადა ლევან დავითაშვილმა.
