1728046576 • მსოფლიო
ნანა კაკაბაძე: მაღალი თანამდებობის პირებზე სანქციების დაწესება ფაქტობრივად ნიშნავს დიპლომატიური ურთიერთობების გაწყვეტას
ეს არის ფსევდო-ლიბერალური დემოკრატია
დღეს ბევრს საუბრობენ საქართველოს, არასასურველი, მოქლაქეების (ძირითადად პოლიტიკოსების) მიმართ ამერიკული სანქციების დაწესებაზე. გარე ინტერესებზე მომუშავე ოპოზიცია, დიდი სიხარულით და ხელების ფშვნეტით ელოდება ამ სანქციებს. - ამის შესახებ არასამთავრობო ორგანიზაციის “ყოფილი პოლიტპატიმრები ადამიანის უფლებებისთვის” თავმჯდომარე, ნანა კაკაბაძე სოციალურ ქსელში წერს.
"მაღალი თანამდებობის პირებზე სანქციების დაწესება ფაქტობრივად ნიშნავს დიპლომატიური ურთიერთობების გაწყვეტას.
კვაზი ოპოზიციის განსაკუთრებულ თრთოლვას და სიხარულს იწვევს ცნობები იმის თაობაზე, რომ სანქციები გავრცელდება პოლიტიკოსთა ოჯახის წევრებზეც, ვინაიდან ასეთია ფსევდო-ლიბერალური დემოკრატიის სტანდარტი.
ბოლშევიკურ საბჭოთა კავშირში მასობრივი პოლიტიკური რეპრესიების დროს ჩვეულებრივ ამბად ითვლებოდა „ხალხის მტრად“ გამოცხადებული ოჯახის წევრების მიმართ რეპრესიების განხორციელება. დახვრეტილი ან გადასახლებული პირის მეუღლესაც, როგორც წესი, აგზავნიდნენ გადასახლებაში, დარჩენილ ოჯახის წევრებს კი ბინიდან ასახლებდნენ.
მაშინაც კი, იმ საშინელ წლებში, არასრულწლოვან შვილებს მშობლების დანაშაულისთვის პასუხს არ სთხოვდნენ. მართალია, „ხალხის მტრის“ სამარცხვინო იარლიყს აწებებდნენ, მაგრამ სკოლაში და უმაღლეს სასწავლებელში განათლების მიღებას არ უშლიდნენ.
ომის შემდგომი პერიოდის საბჭოთა კავშირში ასეთი მიდგომა დაიგმო, შეიცვალა და უკვე 60-80-იან წლების საბჭოთა საზოგადოებაში მყარად იყო გამჯდარი იმის გაგება, რომ შვილი მშობლის დანაშაულზე პასუხს არ აგებს.
მოკლედ, როდესაც ვამბობთ, რომ დღეს ფსევდო-ლიბერალური ფაშიზმი შეფუთულია ფასადური დემოკრატიით, ფსევდო ლიბერალიზმით და ფსევდო ჰუმანიზმით, ამის ერთ-ერთი მაგალითი სწორედ ფაშისტური და ბოლშევიკური სტანდარტების რეანიმაციაა.
სანქცირებული პირი თავის ოჯახიანად გამოცხადებულია „ხალხის მტრად“, შვილმაც უნდა აგოს პასუხი მშობლის „დანაშაულზე“, ხოლო ის ვინც ასე არ ფიქრობს და მოითხოვს ასეთი მიდგომის გაუქმებას, მას ფსევდო ლიბერალები საკუთარი ჯიბის ტელევიზიების საშუალებით, აცხადებენ ხალხის მტრად.
ზუსტად ასეთ სტიგმატიზაციას ითხოვენ დღეს, სულ-გაყიდული ოპოზიციონერებიც, რომლებიც ტირილით და ხვეწნა-მუდარით მიმართავენ დიდ დეიდებს და ბიძიებს „დეიდებო, ბიძიებო, თქვენი მუხლების ჭირიმე, ეს ცუდი ბიჭები ცუდ კანონებს იღებენ დასაჯეთ, დაასანქცირეთ, გვიშელეთ რამე!“. ის „დიიიდებიც“ ეთანხმებიან თავის საკუთარ ყმებს, სანქციებით ემუქრებიან ან ასანქცირებენ მათ გამბრაზებელ ცუდ გოგო- ბიჭებს, რომლებიც "დიდ ბიძიებს" არ უჯერებენ.
მოდით, წარმოვიდგინოთ, რომ საქართველოს ხელისუფლებამ მოსთხოვოს აშშ-ს მთავრობას ისეთი არაჰუმანური და არაევროპული კანონის გაუქმება, როგორიც არის სიკვდილით დასჯა,(აშშ-ს შტატების უმრავლესობაში დღესაც არსებობს,უფრო მეტიც, ზოგ შტატში არასრულწლოვნების სიკვდილით დასჯაც კი დაშვებულია). წინააღმდეგ შემთხვევაში დასანქცირებით დაემუქროს.
როგორ მოიქცევა ასეთ შემთხვევაში ჩვენი „თანასწორუფლებიანი“ პარტნიორი აშშ-ს მთავრობა?
ალბათ სიცილადაც არ ეყოფა რაღაც ღირებულებებზე და სტანდარტებზე მითითება.
ახლა წარმოვიდგინოთ, რუსეთის ხელისუფლებას რომ განეცხადებინა, თუ ჩვენთვის არმოსაწონ კონკრეტულ კანონს გააუქმებთ და არჩევნებს სამართლიანად ჩაატარებთ (რაშიც იგულისხმება მათი მოწონებული პარტიის უპირობო გამარჯვება), მაშინ სავიზო შეღვათებს მოგცემთ, შეგაიარაღებთ და დიდ ინვესტიციებსაც ჩავდებთ საქართველოშიო, რა ამბავი ატყდებოდა და სწორიც იქნებოდა. ვინაიდან ესეთი შეთავაზება, შეუთავსებელია
პარტნიორულ ურთიერთობასთან, ბღალავს ქვეყნის სუვერენიტეტსა და დამოუკიდებლობას!
ვინც ფიქრობს, რომ ასეთი მიდგომით ჩვენ მტერს და მოყვარეს ვერ ვარჩევთ, იმას დამოუკიდებლობაზე, თავისუფლებაზე და სუვერენიტეტზე წარმოდგენა არა აქვს.
სამწუხაროდ, სწორედ დასავლეთმა გადაუხვია იმ დასავლურ კურსს, რომლის დამკვიდრებისთვისაც ჩვენ საბჭოთა პერიოდშიც ვიბრძოდით და ვიბრძვით დღესაც.თანამედროვე დასავლეთმა, ზოგადსაკაცობრიო ფორმულირებები ჩაანაცვლა თაღლითური ტერმინებით. ის, რაც დასჯადი იყო საბჭოთა დროშიც კი, დღეს ლეგიტიმურად აქცია და გავლენიანი მცირე ჯგუფის ინტერესებს მოარგო.
მაგალითად, ქრთამის მიცემით საკუთარი ინტერესების გატარებას, დღეს „დემოკრატიული“ ტერმინი „ლობისტური საქმიანობა“ ჰქვია.
ლობირება ითვალისწინებს არა სიმართლის დადგენასა და გავრცელებას, არამედ ტვინების გამორეცხვის გზით, იმ სასურველი ტყუილის მტკიცებას, რასაც დამქირავებელი დაუკვეთავს დაქირავებულ ლობისტს.
ტყუილის მტკიცების კლასიკური მაგალითი ჩვენ ყველამ ვნახეთ სააკაშვილის სასამართლო პროცესების დროს, როცა მისი
ლობისტები, საღსალამათ კაცზე, სამარცხვინოდ გვიყვებოდნენ გამოგონილ დიაგნოზებს და გვიმტკიცებდნენ თითქოს მას დემენცია, კახექსია (არც ერთი არ იკურნება) და სხვა უამრავი დაავადება სჭირსო.
ტყუილებით, შეთხზული დიაგნოზებითა და ტვინების გამორეცხვის გზით, კინაღამ ხალხი აიყოლიეს და ქვეყანა ამოგვიყირავეს.
სერიოზული ძალისხმევის შედეგად გაიშიფრნენ თაღლითი ლობისტები. ამის შემდეგაც კი ბოდიშიც არავის მოუხდიათ ქართველი ხალხისათვის, არც უნამუსო დამქირავებლებს და არც ასეთივე ლობისტებს. მსგავსი ტყუილი, ვინმე უფულოს რომ ეკადრა, რომელიც ფსევდო-ლიბერალების ფავორიტი არ იქნებოდა, იმ საცოდავს რას დამართებდნენ, ხომ წარმოგიდგენიათ?
ფსევდო-ლიბერალები სწორედ ასეთი გზებითა და საშუალებებით ურეცხავენ ტვინებს გაუნათლებელ, საქმეში ჩაუხედავ ხალხს...
კანონით ხალხს აქვს უფლება, მოვლენებთან დაკავშირებით მიიღოს სწორი (მართალი) ინფორმაცია. ხალხის ეს უფლება და ვიღაც გაქსუებულების მიერ ნაყიდი ლობისტების ცრუ ინფორმირება, ერთმანეთთან სრულიად არათავსებადია. ამას დაუმატეთ გაყიდული, მიკერძოებული, მედიის როლი ხალხის ზომბირების საქმეში და გასაგები გახდება, რატომ ხდება ამდენი არაბუნებრივი და „უცნაური“ მოვლენა ამ ქვეყანაზე.
ჯანსაღი სამოქალაქო საზოგადოების მიზნები და ამოცანები მიმართული უნდა იყოს იქითკენ, რომ დემოკრატიულმა მმართველობებმა გადახედონ სახეშეცვლილ პოლიტიკას და დაუბრუნდნენ იმ ზოგადსაკაცობრიო სტანდარტებს, რომლის დამკვიდრებისთვისაც იბრძოდნენ დისიდენტები საბჭოთა რეჟიმის დროს." - წერს ნანა კაკაბაძე.
ცნობისთვის, აშშ-ის სახელმწიფო მდივანი ენტონი ბლინკენმა პლატფორმა X-ზე დაწერა: „ვაცხადებ სავიზო შეზღუდვის მიზნით ახალ პოლიტიკას მათთვის, ვინც პასუხისმგებელია საქართველოში დემოკრატიის შელახვაზე, მათ შორის, „უცხოური გავლენის" შესახებ „ქართული ოცნების" შემოთავაზებულ „ქართული ოცნების“ შემოთავაზებული კანონზე".
ასევე, აშშ-ის სახელმწიფო მდივანი ენტონი ბლინკენი „საქართველოში დემოკრატიის შელახვის გამო სავიზო შეზღუდვის პოლიტიკის შესახებ" სახელმწიფო დეპარტამენტის საიტზე პრესისთვის განცხადებას აქვეყნებს.
ოჯახი ბუხუტი (ვაჟა) გორგაძეს ეძებს - ხანდაზმული კაცი დელისი მეტროსადგურის მიმდებარე ტერიტორიიდან დაიკარგა
ოჯახი ბუხუტი (ვაჟა) გორგაძეს ეძებს. ხანდაზმული კაცი დელისი მეტროსადგურის მიმდებარე ტერიტორიიდან დაიკარგა. ბუხუტი გორგაძე 4 ოქტომბერს დღის 1 საათზე გავიდა სახლიდან. ოჯახის ინფორმაციით მას მახსოვრობის პრობლემა აქვს."გავიდა ისე, რომ არ წაუღია არც მობილური და არც საფულე. აცვია რუხი სვიტრი და უსახელო ნაქსოვი მოსაცმელი. სახლის რუხი, ბაიკის სპორტული შარვალი. ფეხზე ეცვა სახლის რუხი ნაჭრის ჩუსტები და არ აცვია წინდები.არანაირი ვარაუდი, სად შეიძლება იყოს, არ გვაქვს. ყველგან შეიძლება იყოს. თუ დაინახეთ მსგავსი ადამიანი, შეაჩერეთ და დარეკეთ სასწრაფოში, პოლიციაში ან ჩვენთან; ჩემი ნომერია: 599390495," - წერს მისი შვილი ნათია გორგაძე.
ფეისბუქ ამბები • 1728115710
რამზან კადიროვის შვილი რუსეთის რეკორდების წიგნში შევიდა
ჩეჩნეთის მეთაურის რამზან კადიროვის ვაჟი, ადამ კადიროვი, რუსეთის რეკორდების წიგნში შევიდა. ის რუსეთის შემადგენელი სუბიექტის უსაფრთხოების სამსახურის ყველაზე ახალგაზრდა უფროსად დასახელდა, მან ეს პოსტი 15 წლის ასაკში დაიკავა.დაჯილდოება გროზნოში MMA მატჩის დროს შედგა, ჯილდო ადამ კადიროვს რუსეთის რეკორდების წიგნის მთავარმა რედაქტორმა სტანისლავ კონენკომ გადასცა.გარდა ამისა, ადამ კადიროვმა მიიღო მედალი რუსული რეკორდების წიგნის პოპულარიზაციისთვის. კონენკომ არ დააკონკრეტა რა გააკეთა მან წიგნის პოპულარიზაციისთვის.
მსოფლიო • 1728115604
ხატია დეკანოიძე - თუ პრორუსული ხელისუფლება გადაწყვეტს, ქართველი ხალხის ნება გააყალბოს, მათთვის სერიოზული სუსხი წამოვა ქართველი ხალხისგან და დასავლეთისგან - ნებისმიერი კვლევა აჩვენებს მხოლოდ ერთს, რომ „ქართული ოცნება“ დამარცხდება
თუ ივანიშვილი და პრორუსული ხელისუფლება გადაწყვეტს, რომ ქართველი ხალხის ნება გააყალბოს, ძალიან სერიოზული სუსხი წამოვა მათთვის ქართველი ხალხისგან და ასევე ძალიან სერიოზული სუსხი წამოვა დასავლეთისგან, - ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, ხატია დეკანოიძემ „პალიტრანიუსის“ გადაცემაში „360 გრადუსი“ განაცხადა.მისი თქმით, ქართველი ხალხის ნების გაყალბების შემთხვევაში ოპოზიცია რა თქმა უნდა, ქართველი ხალხის გვერდით იქნება.„დიდი ფინანსური სანქციების პაკეტი, რომელიც ივანიშვილზეა, ეს პაკეტი არსებობს და რა თქმა უნდა, თუ ეს ადამიანი გადაწყვეტს, რომ ქართველებით და ქართველი ხალხის ბედით იჟონგლიოროს, ეს იქნება ძალიან სერიოზული დარტყმა მის ფინანსურ რესურსზე“, - განაცხადა ხატია დეკანოიძემ.რაც შეეხება Edison Research-ის ბოლო საზოგადოებრივი აზრის გამოკითხვის შედეგებს, ხატია დეკანოიძის განცხადებით, ყველა კვლევა აჩვენებს, რომ „ქართული ოცნება“ აუცილებლად დამარცხდება.„ნებისმიერი კვლევა, რომელიც აქამდე გამოქვეყნებულა, აჩვენებს მხოლოდ ერთს, რომ „ქართული ოცნება“ აუცილებლად დამარცხდება. რა თქმა უნდა, ცდომილება ყველა კვლევაში არის, მაგრამ მთავარი არის ის, რომ ოპოზიციურ ფრონტზე არსებობს სამი კოალიცია და კიდევ ცალკე გახარიას პარტია. ყველას აქვს ძალიან დიდი შანსი, რომ მოიპოვოს ხმების ის რაოდენობა, რომელიც ერთად შეძლებს კოალიციური მთავრობის შექმნას საქართველოს პარლამენტში. ყველაზე მნიშვნელოვანია, რომ „ქართული ოცნება“ უნდა დამარცხდეს და ეს დამარცხება არის გარდაუვალი“, - განაცხადა ხატია დეკანოიძემ.
პოლიტიკა • 1728115439
დონალდ ტრამპის განცხადებით, ისრაელმა ირანის სარაკეტო თავდასხმის საპასუხოდ, მის ბირთვული ობიექტებს უნდა დაარტყას
აშშ-ს პრეზიდენტობის კანდიდატ დონალდ ტრამპის განცხადებით, ისრაელმა ირანის სარაკეტო თავდასხმის საპასუხოდ, მის ბირთვული ობიექტებს უნდა დაარტყას. ამის შესახებ მან ჩრდილოეთ კაროლინის შტატში ამომრჩევლებთან შეხვედრისას ისაუბრა, სადაც ირანთან დაკავშირებით პრეზიდენტ ჯო ბაიდენის პოზიციასთან დაკავშირებით დაუსვეს კითხვა.„ბაიდენს ჰკითხეს, რას ფიქრობს ირანზე და დაარტყამდა თუ არა მას? მან დაიწყო: „ვიდრე ისინი არ დაარტყამენ ბირთვულ ობიექტებს…“. ვფიქრობ, ის ცდება. სწორედ მას უნდა დაარტყა. უდიდესი რისკია ბირთვული შეიარაღება, ბირთვული იარაღის ძალა. მას როდესაც ეს კითხვა დაუსვეს, პასუხი უნდა ყოფილიყო, პირველ რიგში, ბირთვული ობიექტები და დანარჩენზე მერე ვიზრუნოთ“, – განაცხადა ტრამპმა.
მსოფლიო • 1728115386
Reuters - ჰაიტიში, შეიარაღებული დაჯგუფების თავდასხმის შედეგად, 70 ადამიანი დაიღუპა
ჰაიტიში, შეიარაღებული დაჯგუფების თავდასხმის შედეგად, 70 ადამიანი დაიღუპა, - ამის შესახებ ინფორმაციას სააგენტო Reuters-ი ავრცელებს.Reuters-ის ცნობით, შეიარაღებული დაჯგუფების წევრები ქალაქ პონტ-სონდეში შეიჭრნენ და სულ მცირე, 70 ადამიანი მოკლეს, ხოლო 6000-ზე მეტმა ადამიანმა საცხოვრებელი სახლი დატოვა.თავდასხმაზე პასუხისმგებლობა დაჯგუფება „გრან გრიფის“ ლიდერმა, ლაქსონ ელანმა აიღო და განაცხადა, რომ ეს მშვიდობიან მოსახლეობაზე შურისძიება იყო, რადგან ისინი არაფერს აკეთებდნენ, როცა პოლიცია მისი დაჯგუფების წევრებს ებრძოდა.„დაუცველი ქალების, მამაკაცებისა და ბავშვების წინააღმდეგ ჩადენილი ეს საშინელი დანაშაული არა მხოლოდ დაზარალებულებზე თავდასხმა, არამედ მთლიანად ჰაიტელ ხალხზე თავდასხმაა“, - განაცხადა ჰაიტის პრემიერ-მინისტრმა, გარი კონილმა.
მსოფლიო • 1728115291
ვოლოდიმირ ზელენსკი - „რამშტაინის“ შეხვედრაზე მოკავშირეებს „გამარჯვების გეგმას“ წარვუდგენთ
„რამშტაინის“ შეხვედრაზე მოკავშირეებს „გამარჯვების გეგმას“ წარვუდგენთ, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.„ჩვენ „გამარჯვების გეგმას“ წარვადგენთ, ომის სამართლიანი დასრულებისკენ მკაფიო და კონკრეტულ ნაბიჯებს. ჩვენი პარტნიორების სიმტკიცე და უკრაინის გაძლიერება არის ის, რასაც რუსული აგრესიის შეჩერება შეუძლია“, - წერს უკრაინის პრეზიდენტი სოციალურ ქსელში.შეგახსენებთ, უკრაინის თავდაცვის საკითხებზე საკონტაქტო ჯგუფის 25-ე შეხვედრა 12 ოქტომბერს გაიმართება და იგი ლიდერების დონეზე პირველად ჩატარდება. შეხვედრას აშშ-ის პრეზიდენტი, ჯო ბაიდენი გაუძღვება.
მსოფლიო • 1728115247
პოლიტიკა
ეკონომიკა
1727865471
ჯარისკაცებს და პოლიციელებს ხელფასი 45%-ით, საჯარო მოხელეებს 30%-ზე მეტით გაეზარდათ - რა იცვლება 2025 წელსბოლო 3 წელში, ჯარისკაცებს და პოლიციელებს ხელფასი 45%-ით, ხოლო საჯარო მოხელეებს 30%-ზე მეტით გაეზარდათ - ამის შესახებ 2025 წლის სახელმწიფო ბიუჯეტის პროექტშია აღნიშნული.„ჯარისკაცებისა და პოლიციელების ხელფასების ზრდა ბოლო 3 წლიან პერიოდში განხორციელდა 45%-ით.გარდა ჯარისკაცებისა და პოლიციელებისა, 2021 წელს განხორციელებული საკანონმდებლო ცვლილებების საფუძველზე, მთლიანად საჯარო სექტორში დასაქმებულთათვის დაიწყო ხელფასების მოწესრიგება. ბოლო 3 წლიან პერიოდში საჯარო სექტორში დასაქმებულთა ხელფასი 30%-ზე მეტით გაიზარდა, რაზედაც მიიმართა 600 მილიონ ლარამდე (ჯამურად გაზრდილი ბიუჯეტის 8,5%),“- ნათქვამია დოკუმენტში.ამასთან, 2025 წლის ბიუჯეტის პროექტის თანახმად, მომავალ წელს თავდაცვის, შინაგან საქმეთა სამინისტროს და უსაფრთხოების სამსახურების დაფინანსება იზრდება 330 მლნ ლარზე მეტით, რომლის ფარგლებშიც განხორციელდება პოლიციელებისა და ჯარისკაცების ხელფასების კიდევ 10%-იანი ზრდა.
1726655089
საქართველოში ავიაკომპანია British Airways შემოდის - ლონდონსა და თბილისს შორის პირდაპირი ფრენები კვირაში 4 სიხშირით შესრულდება2025 წლიდან საქართველოს ავიაბაზარზე გაერთიანებული სამეფოს ფლაგმანი - British Airways შემოდის. აღნიშნულის შესახებ ინფორმაციას საქართველოს აეროპორტების გაერთიანება ავრცელებს.მათივე ცნობით, ერთწლიანი ინტენსიური მოლაპარაკებები საქართველოს აეროპორტების გაერთიანებამ ევროპის ერთ-ერთ უმსხვილეს ავიაკომპანიასთან წარმატებით დაასრულა. შედეგად, ერთმანეთს პირდაპირი საჰაერო მარშრუტით დიდი ბრიტანეთისა და საქართველოს დედაქალაქები დაუკავშირდებიან.ინფორმაციის თანახმად, 2025 წლის 30 მარტიდან ლონდონი-თბილისი-ლონდონის მიმართულებით პირდაპირი რეგულარული ფრენები კვირაში 4 სიხშირით შესრულდება. ბილეთების შეძენა ავიაკომპანიის ვებგვერდზე www.ba.com უკვე შესაძლებელია.„British Airways-ი 50 წლის წინ დაფუძნებული ბრენდია, თუმცა ავიაკომპანიას 100 წელზე მეტი ოპერირების ისტორია აქვს. British Airways-ი American Airlines-თან ერთად გლობალური ავიაკომპანიების ალიანსის, OneWorld თანადამფუძნებელია, რომელიც მსოფლიოში სიდიდით მესამე უმსხვილესი გაერთიანებაა SkyTeam-ის და Star Alliance-ის შემდეგ.American Airlines-თან მჭიდრო პარტნიორობა საშუალებას იძლევა British Airways-ის მგზავრებმა ისარგებლონ ტრანზიტული ფრენებით, ლონდონის გავლით, შეერთებული შტატების სხვადასხვა ქალაქის მიმართულებით. British Airways-ი მსოფლიოს 65 ქვეყნის 190-ზე მეტი მიმართულებით დაფრინავს. ავიაკომპანიას მთავარი ბაზა ლონდონის ჰითროუს აეროპორტში მდებარეობს, რომელიც ევროპის ერთ-ერთი ყველაზე დატვირთული აეროპორტია“, - აღნიშნულია ინფორმაციაში.
1723315096
ბადრი ჯაფარიძე - შეერთებული შტატები ძალიან ყურადღებით იქნება მობილიზებული, რომ ქართველი ხალხის ნება თავისუფლად იყოს გამოხატული და არც ერთი ხმა არ დაიკარგოსშეერთებული შტატები ძალიან ყურადღებით იქნება მობილიზებული, რომ ქართველი ხალხის ნება თავისუფლად იყოს გამოხატული და არც ერთი ხმა არ დაიკარგოს, - ამის შესახებ „ლელოს“ ერთ-ერთმა ლიდერმა ბადრი ჯაფარიძემ საქართველოში ვიზიტით მყოფ სენატორ ჯინ შაჰინთან და კონგრესმენ მაიკ ტერნერთან შეხვედრიდან გამოსვლის შემდეგ ჟურნალისტებს განუცხადა.როგორც ჯაფარიძემ განმარტა, შეხვედრაზე აზრთა გაცვლა-გამოცვლა მოხდა.„დღეს არის სწორედ ამის დემონსტრირება, რომ შეერთებული შტატების დამოკიდებულება ჩვენი ხალხის მიმართ არ შეიცვლება, პირიქით, გაძლიერდება მხარდაჭერა, როგორც კი, ჩვენი ქვეყანა დასავლურ ვექტორს, მის ბუნებრივ ვექტორს დაუბრუნდება. შესაბამისად, კიდევ ერთხელ მინდა ვთქვა, რომ ხაზგასმით იყო ნათქვამი შეერთებული შტატების მხრიდან სრული მხარდაჭერის შესახებ, მათ შორის, არჩევნების პროცესზე იქნება სრული ყურადღება, სრული მხარდაჭერა, რომ არჩევნებმა დემოკრატიულად ჩაიაროს, ხმების მიტაცების მცდელობა არ მოხდეს. შეერთებული შტატები იქნება ძალიან ყურადღებით მობილიზებული ამ პროცესზე იმისათვის, რომ ქართველი ხალხის ნება იყოს თავისუფლად გამოხატული და არც ერთი ხმა არ დაიკარგოს.საუბარი ძალიან მეგობრული, ღია იყო და ვფიქრობ, ძალიან სასარგებლო აზრთა გაცვლა-გამოცვლა ვნახეთ, ფორმატი იყო ასეთი - თავისუფალი, ღია საუბარი, აზრთა გაცვლა-გამოცვლა“, - განაცხადა ჯაფარიძემ
1723314870
თინა ბოკუჩავა - ორპარტიული ვიზიტი ადასტურებს აშშ-ის უმაღლეს ყურადღებას აქ არსებულ სიტუაციასთან მიმართებაში, როდესაც ივანიშვილის ხელისუფლება მტრული რიტორიკით, რუსული კანონით ზიანს აყენებს აშშ-სთან ურთიერთობას და ევროატლანტიკურ პერსპექტივასკონგრესმენმა ტერნერმა და სენატორმა შაჰინმა კიდევ ერთხელ დაადასტურეს ამერიკის შეერთებული შტატების ორპარტიული მხარდაჭერა ქართველი ხალხის და ევროატლანტიკური მისწრაფებების მიმართ, - ამის შესახებ „ერთიანი ნაციონალური მოძრაობის“ თავმჯდომარემ, თინა ბოკუჩავამ სენატორ ჯინ შაჰინთან შეხვედრიდან გამოსვლის შემდეგ განაცხადა.როგორც ბოკუჩავამ აღნიშნა, ცვლილების ერთადერთი შანსი 26 ოქტომბრის არჩევნებია.„ეს ორპარტიული ვიზიტი ადასტურებს ამერიკის შეერთებული შტატების უმაღლეს ყურადღებას საქართველოში არსებულ სიტუაციასთან მიმართებაში, როდესაც ივანიშვილის ხელისუფლება ანტიდასავლური, მტრული რიტორიკით დასავლეთის მიმართ, რუსული კანონით ზიანს აყენებს საქართველო-ამერიკის ურთიერთობას ისევე, როგორ ქართველი ხალხის ევროატლანტიკურ პერსპექტივას. ამის ცვლილების ერთადერთი შანსი 26 ოქტომბრის არჩევნებია“, - განაცხადა ბოკუჩავამ
1723208042
ირაკლი ქადაგიშვილი - არც ერთი პრეზიდენტი ტელევიზორიდან არ გეტყვის, ტანკში ჩაჯექი და რუსეთს ომი გამოუცხადეო, მაგრამ საქართველოზე ზეწოლა იყო - ბიძინა ივანიშვილთან ჯავახეთის ტყეების ფლორასა და ფაუნაზე სალაპარაკოდ არავინ ჩავიდოდა!უკაცრავად და, არც ერთი პრეზიდენტი ტელევიზორიდან არ გეტყვის, ტანკში ჩაჯექი და რუსეთს ომი გამოუცხადეო, მაგრამ საქართველოზე მთელი ზეწოლა იყო დახურულ კარს მიღმა თუ მოწყობილი მიტინგებით - დღეს მნიშვნელოვანია ის, რომ ქვეყანაში არის მშვიდობა, ეკონომიკური ზრდა და პლურალიზმი და არა ის, რომელიმე ქვეყნის პრეზიდენტი რა წერილს მისწერს სალომე ზურაბიშვილს გასამხნევებლად! - ეს განცხადება მედიასთან „ქართული ოცნების“ დეპუტატმა ირაკლი ქადაგიშვილმა გააკეთა.კითხვაზე - რას გულისხმობს დახურულ კარს მიღმა განხორციელებულ ზეწოლაში, ქადაგიშვილმა განმარტა, რომ "ბიძინა ივანიშვილთან სამი საათი ჯავახეთის ტყეების ფლორასა და ფაუნაზე სალაპარაკოდ არავინ ჩავიდოდა".ქადაგიშვილის თქმით, „აშშ-ს ელჩი ივანიშვილთან სალაპარაკოდ ჩავიდა, როცა ჩათვალა, რომ პრემიერ მინისტრთან ლაპარაკის შემდეგ, იქ ჩასვლა იყო საჭირო“.ქადაგიშვილის შეფასებით, აშშ-ს პრეზიდენტის სალომე ზურაბიშვილისადმიგაგზავნილი წერილი ადასტურებს, რომ „ადგილი აქვს პოლიტიკურ ზეწოლასა და არაობიექტურ მიდგომას“.„ბატონი პრეზიდენტის (ჯო ბაიდენის) განცხადებაში წერია "ანტიდემოკრატიული ქმედებები". მას ამის არც ერთი მაგალითი არ მოჰყავს, გარდა იმისა, რომ ასახელებს კანონს, რომელსაც თვითონ ამერიკელებმა "რუსული" დაარქვეს. კანონის დასახელებაში კი ისეთ სიტყვას იყენებს, რაც კანონში საერთოდ ნახსენები არ არის. მგონი, არც ერთს ეს კანონი წაკითხული არა აქვს და არ იციან, რატომ არის რუსული და რატომ არ არის ამერიკული, კანადური ან ფრანგული ან რატომ არ არის ფრანგული და კანადური კანონი რუსული.ეს კიდევ ერთხელ გვაჩვენებს, რომ ადგილი აქვს პოლიტიკურ ზეწოლასა და არაობიექტურ მიდგომას.ჩემი ღრმა რწმენით, ეს გამოწვეულია არა მიღებული კანონით, არამედ გამოწვეულია იმით, რომ საქართველომ ყველაზე მაღლა საკუთარი ეროვნული ინტერესები დააყენა და არ ჩაერთო ომში! ის რომ საქართველოს და ჩინეთს შორის არის სავაჭრო-ეკონომიკური ურთიერთობები, სტრატეგიული თანამშრომლობა და მიმდინარეობს ანაკლიის პორტის მშენებლობა, ესეც არის საკითხი, რაც გაღიზიანებას იწვევს.ყველას აქვს საშუალებას იმისა, რომ საკუთარი ეროვნული ინტერესები მინიმალურად მაინც დაიცვას და საქართველოს არა აქვს!საქართველოს არა აქვს უფლება, რომ თავის ეროვნული ინტერესები დაიცვას, რათა 2008 წლის აგრესია არ განხორციელდეს. საქართველოს მათ შორის არა აქვს უფლება „შუა დერეფნის“ კორიდორი განავითაროს ჩინეთთან ერთად.გამომდინარე აქედან, რა ვქნათ ჩვენ - გავხდეთ სხვა ქვეყნის ინტერესების მომსახურე თუ ვიყოთ ჩვენი ქვეყნის ინტერესების დამცველი?! – „ქართული ოცნებას“ საკუთარი ქვეყნის ინტერესების დამცველი იქნება. ამას საერთაშორისო საზოგადოება, მათ შორის აშშ-ს სახელმწიფო ადმინისტრაცია - იქნება „დემოკრატები“ თუ "რესპუბლიკელები" - ადრე თუ გვიან დადებითად შეაფასებს.მთელი უკრაინის მაღალჩინოსნები მიტინგებზე, ვიდეო-ჩართვების დროს ამბობდნენ: - უვარგისი მთავრობა გყავთ, რადგან რუსეთზე შეტევას არ ახორციელებს და არ ხდება ცხინვალსა და აფხაზეთში ტანკებით გასეირნება. პირდაპირ მიტინგებზე გვეუბნებოდნენ, რომ სირცხვილი იყო რუსეთთან დაკავშირებით შემტევ პოზიციას რომ არ ვირჩევდით და ამას მთელი მსოფლიო ტაშს უკრავდა. უკაცრავად და, არც ერთი პრეზიდენტი ტელევიზორიდან არ გეტყვის, ტანკში ჩაჯექი და რუსეთს ომი გამოუცხადეო, მაგრამ საქართველოზე მთელი ზეწოლა იყო დახურულ კარს მიღმა და მოწყობილი მიტინგებით.ჩვენ ამას გავუძელით და ამის გამო მოხდა მთელი ზეწოლა - ეს იყო კანდიდატის სტატუსის არმონიჭებაც, იმის მიუხედავად, რომ საქართველო ყველა რეფორმით პირველ ადგილზეა არა მხოლოდ კანდიდატ ქვეყნებს, არამედ ევროკავშირის წევრ ქვეყნებს შორის", - განაცხადა ირაკლი ქადაგიშვილმა.
